తెలంగాణలో(Telangana) నిషేధిత భూముల జాబితా (Prohibited Lands List)వ్యవహారంపై మాజీ మంత్రి, బీఆర్ఎస్(BRS) నేత హరీశ్రావు (Harish Rao) తీవ్రస్థాయిలో స్పందించారు. సీఎం రేవంత్రెడ్డి(CM Revanth Reddy), మంత్రి పొంగులేటి శ్రీనివాసరెడ్డిపై (Ponguleti Srinivas Reddy) తీవ్ర విమర్శలు చేశారు. ప్రభుత్వ అనాలోచిత నిర్ణయాలతో ప్రజలు రిజిస్ట్రేషన్ కార్యాలయాలు, ప్రభుత్వ కార్యాలయాల చుట్టూ తిరగాల్సిన పరిస్థితి ఏర్పడిందని ఆరోపించారు.
రేవంత్రెడ్డి తుగ్లక్ నిర్ణయాలతో రాష్ట్ర పాలన ‘‘పిచ్చోడి చేతిలో రాయిలా’’ మారిందని హరీశ్రావు మండిపడ్డారు. రాత్రికి రాత్రే కాలనీలకు కాలనీలను నిషేధిత జాబితాలో చేర్చారని, ప్రభుత్వం, హెచ్ఎండీఏ (HMDA) విక్రయించిన భూములను (Sold Lands)సైతం నిషేధిత జాబితాలో పెట్టారని ఆరోపించారు. ప్రభుత్వం చేసిన తప్పులకు ప్రజలను ఎందుకు శిక్షిస్తున్నారని ప్రశ్నించారు. అధికారులు తప్పు చేశారని మంత్రి పొంగులేటి శ్రీనివాసరెడ్డి చెబితే సరిపోతుందా? అని ప్రశ్నించారు. అధికారులు తప్పు చేస్తే సంబంధిత అధికారులపై ఎందుకు చర్యలు తీసుకోలేదని నిలదీశారు.
కాంగ్రెస్ ప్రభుత్వంపై (Congress Government) హరీశ్రావు తీవ్ర ఆరోపణలు చేశారు. ‘‘ఇది 30 శాతం గవర్నమెంట్. ఏ పని కావాలన్నా 30 శాతం కమిషన్ (30 Percent Commission) అడుగుతున్నారు’’ అని విమర్శించారు. కమిషన్ల కోసం ప్రజల జీవితాలను ఇబ్బందులకు గురిచేయవద్దని అధికారులను హెచ్చరించారు.
సీఎం రేవంత్రెడ్డి ఇల్లు కూడా నిషేధిత జాబితాలో ఉందని హరీశ్రావు ఆరోపించారు. అలా ఉంటే సీఎం ఎక్కడ మీ-సేవకు (MeeSeva) వెళ్లి దరఖాస్తు చేసుకున్నారో చెప్పాలని ప్రశ్నించారు. ప్రజలకు ఒక నిబంధన, ప్రభుత్వ పెద్దలకు మరో నిబంధన ఉండకూడదన్నారు.
హైదరాబాద్, రంగారెడ్డి జిల్లాలు తన చేతిలోకి రావాలనే ఉద్దేశంతోనే పొంగులేటి శ్రీనివాసరెడ్డి ఈ నిర్ణయం తీసుకున్నారని హరీశ్రావు ఆరోపించారు. ఈ వ్యవహారానికి నైతిక బాధ్యత వహిస్తూ పొంగులేటి వెంటనే మంత్రి పదవికి రాజీనామా చేయాలని డిమాండ్ చేశారు.
సీఎం రేవంత్రెడ్డి, మంత్రి పొంగులేటి కలిసి కుట్ర చేస్తున్నారని హరీశ్రావు ఆరోపించారు. అధికారులు కూడా జాగ్రత్తగా ఉండాలని, రాజకీయ నాయకుల ఆదేశాల మేరకు తప్పులు చేస్తే భవిష్యత్తులో వారే బాధ్యత వహించాల్సి వస్తుందని హెచ్చరించారు.
ప్రజల ఆస్తుల విషయంలో ప్రభుత్వం ఇష్టానుసారంగా వ్యవహరిస్తే ప్రజలు సహించరని అన్నారు. రేపు ఎప్పుడు అసెంబ్లీ సమావేశాలు (Assembly Sessions) నిర్వహించినా నిషేధిత భూముల అంశంపై (Prohibited Lands Issue) ప్రభుత్వాన్ని నిలదీస్తామని, ప్రజలకు బీఆర్ఎస్(BRS) అండగా ఉంటుందని హరీశ్రావు స్పష్టం చేశారు. ప్రభుత్వ టోల్ఫ్రీ నంబర్ పనిచేయడం లేదని విమర్శించిన ఆయన.. ప్రజల సమస్యల పరిష్కారం కోసం తెలంగాణ భవన్లోని బీఆర్ఎస్ ‘‘జనతా గ్యారేజ్’’(BRS Janata Garage) ఎప్పుడూ అందుబాటులో ఉంటుందని తెలిపారు.
