భారత క్రికెట్ జట్టుకు (India Cricket Team) ఊహించని షాక్ తగిలింది. స్టార్ ఆల్రౌండర్ హార్దిక్ పాండ్య(Hardik Pandya) అఫ్గానిస్థాన్తో (Afghanistan) జరగనున్న మూడు మ్యాచ్ల వన్డే సిరీస్కు దూరమయ్యాడు. ఇటీవలే బెంగళూరులోని బీసీసీఐ (BCCI) సెంటర్ ఆఫ్ ఎక్సలెన్స్లో (Centre of Excellence) ఫిట్నెస్ (Fitness) పరీక్షలు పూర్తి చేసి ఆడేందుకు గ్రీన్ సిగ్నల్ పొందిన హార్దిక్, ఒక్కరోజులోనే మళ్లీ గాయపడటం అభిమానులను ఆందోళనకు గురిచేసింది. క్వాడ్రిసెప్స్(Quadriceps) (తొడ కండరాల) గాయం కారణంగా అతడు సిరీస్ మొత్తానికి దూరమవుతున్నట్లు సమాచారం. దీంతో అఫ్గాన్ సిరీస్కు ముందు టీమిండియా ప్రణాళికలకు గట్టి దెబ్బ తగిలింది.
ఇప్పటికే విరాట్ కోహ్లీ (Virat Kohli) గాయం కారణంగా జట్టుకు దూరమైన నేపథ్యంలో హార్దిక్ కూడా తప్పుకోవడం భారత జట్టుకు పెద్ద ఎదురుదెబ్బగా మారింది. వెన్ను నొప్పితో ఐపీఎల్ 2026లో కొన్ని మ్యాచులకు దూరమైన హార్దిక్, మళ్లీ గాయపడటం అతడి ఫిట్నెస్పై ప్రశ్నలు లేవనెత్తుతోంది. 2027 వన్డే ప్రపంచకప్ను లక్ష్యంగా పెట్టుకుని జట్టును సిద్ధం చేస్తున్న కోచ్ గౌతమ్ గంభీర్కు (Gautam Gambhir) ఇది ఆందోళన కలిగించే అంశంగా మారింది. మరోవైపు హామ్స్ట్రింగ్ (Hamstring) గాయం నుంచి పూర్తిగా కోలుకున్న రోహిత్ శర్మ(Rohit Sharma) సిరీస్కు అందుబాటులో ఉండగా, హార్దిక్ స్థానంలో ఎవరికి అవకాశం దక్కుతుందనేది ఇప్పుడు ఆసక్తికరంగా మారింది.
