IPL 2026 సీజన్ చివరి దశకు చేరుకోవడంతో ప్లేఆఫ్స్ (Playoffs) రేసు మరింత హీట్ ఎక్కింది. ఇప్పటికే రాయల్ ఛాలెంజర్స్ బెంగళూరు (RCB), గుజరాత్ టైటాన్స్ (Gujarat Titans) జట్లు టాప్-4కు దాదాపు చేరుకున్నట్టే కనిపిస్తున్నాయి. 16 పాయింట్లతో అగ్రస్థానంలో కొనసాగుతున్న ఆర్సీబీ ఈసారి ట్రోఫీపై భారీ ఆశలు పెట్టుకోగా.. శుభ్మన్ గిల్ (Shubman Gill) నాయకత్వంలోని గుజరాత్ టైటాన్స్ కూడా అద్భుత ప్రదర్శనతో ప్రత్యర్థులకు గట్టి హెచ్చరికలు పంపిస్తోంది. మరోవైపు సన్రైజర్స్ హైదరాబాద్ 14 పాయింట్లతో బలమైన స్థితిలో నిలిచి ప్లేఆఫ్స్కు అడుగు దూరంలో ఉంది. ప్యాట్ కమిన్స్ సారథ్యంలో ఆరెంజ్ ఆర్మీ కీలక మ్యాచ్ల్లో దూకుడు చూపిస్తూ అభిమానుల్లో భారీ అంచనాలు పెంచుతోంది. ఈసారి ఐపీఎల్లో(IPL) ప్రతి మ్యాచ్ ఫైనల్లా మారిపోవడంతో అభిమానుల్లో ఉత్కంఠ తారాస్థాయికి చేరుకుంది.
అయితే అసలు థ్రిల్ మాత్రం నాలుగో స్థానం కోసం జరుగుతున్న పోరులో కనిపిస్తోంది. పంజాబ్ కింగ్స్, చెన్నై సూపర్ కింగ్స్, రాజస్థాన్ రాయల్స్, కోల్కతా నైట్ రైడర్స్ జట్లు ప్లేఆఫ్స్ ఆశలను సజీవంగా ఉంచుకునేందుకు ప్రాణం పెట్టి పోరాడుతున్నాయి. వరుస ఓటములతో ఒత్తిడిలో పడిన పంజాబ్కు మిగిలిన ప్రతి మ్యాచ్ డూ ఆర్ డైగా మారగా.. చెన్నై, రాజస్థాన్ జట్లు కూడా వరుస విజయాల కోసం గట్టిగా ప్రయత్నిస్తున్నాయి. ముఖ్యంగా ఈసారి నెట్ రన్రేట్ ప్లేఆఫ్స్ భవితవ్యాన్ని నిర్ణయించే అవకాశాలు ఎక్కువగా కనిపిస్తున్నాయి. చివరి లీగ్ మ్యాచ్ వరకు ఉత్కంఠ కొనసాగే సూచనలు కనిపిస్తుండటంతో అభిమానులు ఐపీఎల్ 2026ను(IPL 2026) అత్యంత థ్రిల్లింగ్ సీజన్గా అభివర్ణిస్తున్నారు.
