టాలీవుడ్ ఐకాన్ స్టార్ అల్లు అర్జున్ (Allu Arjun), తమిళ దర్శకుడు అట్లీ (Atlee) కాంబినేషన్లో తెరకెక్కుతున్న భారీ ఫాంటసీ యాక్షన్ డ్రామా ‘రాకా’ (RAAKA)పై సోషల్ మీడియాలో వస్తున్న రూమర్లు ప్రస్తుతం హాట్ టాపిక్గా మారాయి. సినిమా టైటిల్ అనౌన్స్మెంట్, ఫస్ట్ లుక్ విడుదలైన తర్వాత నుంచి ఈ ప్రాజెక్ట్పై భారీ అంచనాలు నెలకొన్నాయి.
అయితే తాజాగా హీరోయిన్ దీపికా పదుకొణె (Deepika Padukone) గురించి వినిపించిన వార్తలు ఫ్యాన్స్లో గందరగోళం సృష్టించాయి. ఆమె గర్భవతి కావడంతో సినిమాలో నుంచి తప్పుకుంటున్నారని లేదా పాత్ర నిడివి తగ్గిస్తున్నారని ప్రచారం జరగగా, చిత్ర బృందం ఈ రూమర్లకు పూర్తిగా చెక్ పెట్టింది. దీపిక పాత్రను ప్రత్యేకంగా డిజైన్ చేశారని, ఆమె షెడ్యూల్ ప్రకారమే షూటింగ్ కొనసాగుతోందని స్పష్టత ఇచ్చారు.
ఇక ఈ సినిమాలో దీపిక పాత్ర అత్యంత కీలకమని, ఆమె కోసం ప్రత్యేకంగా భారీ యాక్షన్ సీక్వెన్స్లు ప్లాన్ చేసినట్లు తెలుస్తోంది. షూటింగ్ సమయంలో అవసరమైన అన్ని జాగ్రత్తలు తీసుకుంటూ చిత్రీకరణ కొనసాగుతోందని యూనిట్ చెబుతోంది. మరోవైపు అల్లు అర్జున్ తన లుక్ కోసం రోజుకు గంటల తరబడి మేకోవర్పై శ్రద్ధ పెట్టడం కూడా చర్చనీయాంశమైంది.
సన్ పిక్చర్స్ నిర్మిస్తున్న ఈ భారీ బడ్జెట్ చిత్రంలో రష్మిక మందన్న (Rashmika Mandanna), జాన్వీ కపూర్ (Janhvi Kapoor) కూడా భాగమయ్యే అవకాశాలపై వార్తలు వినిపిస్తున్నా అధికారిక ప్రకటన రావాల్సి ఉంది. వచ్చే ఏడాది ప్రేక్షకుల ముందుకు రానున్న ఈ విజువల్ వండర్పై అంచనాలు రోజురోజుకు పెరుగుతుండగా, ‘పుష్ప’ తర్వాత బన్నీ క్రేజ్ను ‘రాకా’ ఎంతవరకు పెంచుతుందో చూడాలి.
