తెలంగాణ రాజకీయాల్లో (Telangana Politics) మళ్లీ వేడి పెరుగుతోంది. కల్వకుంట్ల చంద్రశేఖర్ రావు (Kalvakuntla Chandrashekar Rao) జగిత్యాల బహిరంగ సభలో (Jagtial Public Meeting) కాంగ్రెస్ ప్రభుత్వంపై (Congress Government) తీవ్ర విమర్శలు గుప్పించారు. రాష్ట్రంలో కాంగ్రెస్ అధికారంలోకి వచ్చిన తర్వాత ప్రజలు తీవ్ర నిరాశకు గురయ్యారని, అభివృద్ధి నిలిచిపోయిందని ఆరోపించారు. కేవలం 1.7 శాతం ఓట్ల తేడాతోనే బీఆర్ఎస్(BRS) ఓడిపోయిందని గుర్తుచేసిన ఆయన, “ప్రజలు ఆశపడి ఓటేస్తే, కాంగ్రెస్ వాళ్లు వారిని మోసం చేశారు” అంటూ మండిపడ్డారు. కొత్త ప్రభుత్వం ఏదైనా నిర్మాణాత్మక పని చేసిందా అని ప్రశ్నిస్తూ, ఇప్పటి వరకు మౌనం వహించినప్పటికీ ఇకపై పోరాటమే మార్గమని స్పష్టం చేశారు.
రైతుల సమస్యలపై (Farmers Problems) కూడా కేసీఆర్(KCR) తీవ్ర ఆందోళన వ్యక్తం చేశారు. రాష్ట్రంలో యూరియా (Urea) కొరత తీవ్రంగా ఉందని, రైతులు ఇబ్బందులు పడుతున్నారని చెప్పారు. రైతుబంధు (Rythu Bandhu) వంటి పథకాలు సకాలంలో అందడం లేదని, ప్రభుత్వం ఇచ్చిన హామీలు అమలు కావడం లేదని విమర్శించారు. మొక్కజొన్న కొనుగోలు (Maize Procurement) విషయంలో నిర్లక్ష్యం చూపుతున్నారని, రైతుల పరిస్థితి రోజురోజుకీ దిగజారుతోందని అన్నారు. వ్యవసాయ బావులకు మీటర్లు పెట్టే అంశంపై ప్రభుత్వం ఇప్పటికే నిర్ణయాలు తీసుకుందని ఆరోపిస్తూ, రైతుల భవిష్యత్తుపై అనిశ్చితి నెలకొన్నదని వ్యాఖ్యానించారు.
హైడ్రా (HYDRA) పేరిట పేదల ఇళ్ల కూల్చివేతలు జరుగుతున్నాయని కేసీఆర్ ఆగ్రహం వ్యక్తం చేశారు. తాము మళ్లీ అధికారంలోకి వస్తే ఈ విధానాన్ని పూర్తిగా రద్దు చేస్తామని హామీ ఇచ్చారు. రాష్ట్రంలో రియల్ ఎస్టేట్ (Real Estate) రంగం పడిపోయిందని, చేనేత కార్మికుల ఆత్మహత్యలు పెరుగుతున్నాయని ఆందోళన వ్యక్తం చేశారు. ఉద్యోగుల పీఆర్సీ (PRC), ఫీజు రీయింబర్స్మెంట్ (Fee Reimbursement) వంటి అంశాల్లో కూడా ప్రభుత్వం విఫలమైందని విమర్శించారు. తెలంగాణ సమాజం గందరగోళంలో ఉందని పేర్కొంటూ, ప్రజల తరఫున ఈ ప్రభుత్వంపై పోరాటం కొనసాగిస్తామని కేసీఆర్ ప్రకటించారు.
