అల్లూరి సీతారామ రాజు జిల్లాలో తీవ్ర సంఘటన చోటుచేసుకుంది. భారీ వర్షాల కారణంగా కేకే లైన్ పై కొండచరియలు విరిగిపడి, ట్రాక్ పై బండరాళ్లు జారిపడ్డాయి. ఈ ఘటన కారణంగా కొత్తవలస-కిరండూల్ మార్గంలో గూడ్స్ రైలు పట్టాలు తప్పింది.
పర్యాటకులకు నిరాశ..
విశాఖపట్నం నుంచి అరకు వెళ్తున్న గూడ్స్ రైలు బొర్రా రైల్వే స్టేషన్ సమీపంలో పట్టాలు తప్పింది. ఈ ప్రమాదం కారణంగా విశాఖ-అరకు కిరండూల్ పాసింజర్ రైలు రద్దయింది. పర్యాటకులు ఈ ఉదయం ప్రయాణం రద్దయ్యిన నేపథ్యంలో తీవ్ర నిరాశకు గురయ్యారు.
రైల్వే శాఖ చర్యలు
రైల్వే అధికారులు వెంటనే రంగంలోకి దిగారు. ట్రాక్ పునరుద్ధరణ కోసం యుద్ధ ప్రాతిపదికన చర్యలు ప్రారంభించారు. ప్రస్తుతం రైల్వే ట్రాఫిక్‌ను సాధారణ స్థితికి తీసుకురావడానికి చర్యలు జరుగుతున్నాయి.
