ఆంధ్రప్రదేశ్ (Andhra Pradesh) రాజకీయాల్లో కూటమిని కుదిపేస్తున్న ఒక సంచలన అంశం వెలుగులోకి వచ్చింది. జనసేన (JanaSena) నేత కోట వినూత (Kota Vinutha) డ్రైవర్ రాయుడు (Driver Rayudu) హత్య కేసు(Murder Case) కొత్త మలుపు తిరిగింది. తాజాగా వెలుగులోకి వచ్చిన డ్రైవర్ రాయుడు వీడియోలో టీడీపీ ఎమ్మెల్యే (TDP MLA) బొజ్జల సుధీర్రెడ్డి (Bojjala Sudheer Reddy)పై చేసిన ఆరోపణలు రాష్ట్రవ్యాప్తంగా చర్చనీయాంశమయ్యాయి.
డ్రైవర్ రాయుడు సంచలన వీడియో
హత్యకు కొద్ది రోజుల ముందు రాయుడు తన ఫోన్లో రికార్డ్ చేసిన వీడియోలో చేసిన వ్యాఖ్యలు ఒక్కొక్కటిగా షాక్కు గురి చేస్తున్నాయి. రాయుడు మాట్లాడుతూ “బొజ్జల సుధీర్రెడ్డి నన్ను కోవర్ట్గా వాడుకున్నారు. కోట వినూత (Kota Vinutha), చంద్రబాబు ప్రైవేట్ వీడియోలు (Chandrababu Private Videos) తీయమని రూ.30 లక్షలు ఆఫర్ చేశారు. ఆయన అనుచరుడు సుజిత్ (Sujith) మరో రూ.20 లక్షలు ఇచ్చారు. బెడ్రూమ్లో కెమెరాలు పెట్టమని కూడా చెప్పారు” అని వీడియోలో వెల్లడించాడు.
హత్యాయత్నం వివరాలు
రాయుడు తన వీడియోలో.. “కోట వినూత, చంద్రబాబుల కారును రెండు సార్లు యాక్సిడెంట్ చేయించి చంపేయమని సుధీర్రెడ్డి ఆదేశించాడు. కానీ ఆ ప్లాన్ విఫలమైంది. ‘నువ్వు కావాలనే తప్పించుకున్నావు’ అంటూ మేడమ్ (కోట వినూత) నన్ను తిట్టింది. అప్పటి నుంచి కారు డ్రైవింగ్ నుంచి నన్ను తప్పించారు,” అని చెప్పాడు. ఈ వ్యాఖ్యలు ఇప్పుడు హత్య కేసుకు కీలక ఆధారాలుగా మారాయి.
రాజకీయ కుట్రా లేదా వ్యక్తిగత ద్వేషమా?
జులై 7న డ్రైవర్ రాయుడు హత్యకు గురై, జులై 13న మృతదేహం దొరికిన విషయం తెలిసిందే. మొదట్లో ఇది వ్యక్తిగత వివాదం అనుకున్నారు. కానీ, వీడియో వెలుగులోకి రావడంతో హత్య వెనుక ఉన్న రాజకీయ కోణం బహిర్గతమవుతోంది. కోట వినూత ప్రస్తుతం బెయిల్పై ఉన్నప్పటికీ, ఈ కొత్త ఆధారాలతో కేసు మరో మలుపు తిరిగే అవకాశముంది. రాష్ట్ర రాజకీయాల్లో బొజ్జల సుధీర్రెడ్డి పేరు మరోసారి చర్చలోకి రావడం, కూటమి లోపల తలెత్తిన విభేదాలను బహిర్గతం చేస్తోంది. రాబోయే రోజుల్లో ఈ కేసు రాజకీయంగా పెద్ద దుమారాన్ని రేపే అవకాశం ఉంది.
