బాలీవుడ్ (Bollywood)లో ‘ఓం శాంతి ఓం’ (Om Shanti Om) సినిమా (Film)తో అరంగేట్రం చేసినప్పటి నుంచి దీపికా పదుకొణె (Deepika Padukone) ప్రేక్షకులను ఆకట్టుకుంటూనే ఉన్నారు. తన నటనకు గ్లామర్ను జోడిస్తూ, వరుస విజయాలతో సినీ ప్రపంచంలో తనకంటూ ఓ ప్రత్యేక స్థానాన్ని సంపాదించుకున్నారు. బాలీవుడ్ చిత్రాలకే పరిమితం కాకుండా, ఆమె హాలీవుడ్లో కూడా తన ప్రతిభను చాటి, గ్లోబల్ స్థాయి (Global Level)లో గుర్తింపు (Recognition) పొందారు.
దీపికకు అరుదైన గౌరవం
ఇప్పుడు ఈ ముద్దుగుమ్మకు మరో అరుదైన గౌరవం లభించింది. దీపికా పదుకొణెకు హాలీవుడ్ వాక్ ఆఫ్ ఫేమ్ (Hollywood Walk Of Fame) స్టార్ అవార్డు (Star Award) దక్కింది. మోషన్ పిక్చర్స్ (Motion Pictures) విభాగంలో ఆమెను హాలీవుడ్ ఛాంబర్ ఆఫ్ కామర్స్ ఎంపిక చేయడం విశేషం. దీపికా పేరు హాలీవుడ్ బౌలేవార్డ్పై ఏర్పాటు చేయనున్న స్టార్ ప్లేట్పై ప్రకాశించనుంది. ఇది కేవలం ఆమెకు లభించిన గుర్తింపు మాత్రమే కాదు, ప్రపంచ సినీ రంగంలో భారతీయ నటీనటుల ప్రతిభను గుర్తించిన చారిత్రాత్మక ఘట్టం. ఇప్పటివరకు బాలీవుడ్ అగ్రతారలైన షారుఖ్ ఖాన్, అమీర్ ఖాన్ వంటి నటులు కూడా ఈ జాబితాలో చోటు దక్కించుకోలేకపోయారు. కానీ దీపికా మాత్రం ఆ ఘనతను సాధించి, తొలిసారిగా ఈ గౌరవాన్ని అందుకున్న భారతీయ నటిగా రికార్డు సృష్టించారు.
గ్లోబల్ స్టార్గా దీపిక ప్రస్థానం
కేవలం సినిమాలే కాదు, మెటా గాలా, అంతర్జాతీయ ఫిల్మ్ ఫెస్టివల్స్ వంటి ప్రతిష్టాత్మక కార్యక్రమాల్లోనూ దీపిక నిరంతరం కనిపిస్తూ గ్లోబల్ స్టార్గా ఎదిగారు. 2026లో హాలీవుడ్ వాక్ ఆఫ్ ఫేమ్ కార్యక్రమంలో దీపికా పేరుతో ఏర్పాటు చేయబోయే ప్రత్యేక కార్యక్రమానికి బాలీవుడ్ సెలబ్రిటీలతో పాటు హాలీవుడ్ ప్రముఖులు కూడా హాజరయ్యే అవకాశం ఉంది. దీపికా పదుకొణెకు ఈ గౌరవం లభించడం భారతీయ చలనచిత్ర పరిశ్రమకే కాకుండా, యావత్ దేశానికి కూడా గర్వకారణం.
