తిరుపతి (Tirupati) నగరంలో దారుణ ఘటన రాష్ట్ర వ్యాప్తంగా చర్చనీయాంశంగా మారింది. లీలామహల్ జంక్షన్ (Leela Mahal Junction) సమీపంలోని అమెరికన్ బార్ (American Bar) వద్ద ఆరుగురు యువకులు మద్యం మత్తు (Alcohol Intoxication)లో వీరంగం సృష్టించారు. రోడ్లపై వెళ్తున్న తల్లి–కూతురిపై అసభ్యకరంగా ప్రవర్తించారు. అకస్మాత్తుగా వేధింపులకు గురైన యువతి భయంతో తల్లితో కలిసి పరుగులు పెట్టాల్సిన దుస్థితి ఏర్పడింది.
స్థానికుల దేహశుద్ధి..
వీరంగం సృష్టిస్తున్న ఆరుగురిలో ముగ్గురిని స్థానికులు పట్టుకొని దేహశుద్ధి చేశారు. అనంతరం పోలీసులకు సమాచారం అందించగా, ఖాకీలు రంగ ప్రవేశం చేసి తల్లీకూతురు పట్ల అసభ్యకరంగా ప్రవర్తించిన యువకులను లాఠీలతో వీరబాదుడు బాదారు. అనంతరం ముగ్గురిని అదుపులోకి తీసుకున్నారు. మరో ముగ్గురు యువకులు మాత్రం పరారీలో ఉన్నారు. పోలీసులు పట్టుబడిన వారిని స్టేషన్కు తరలించి విచారణ చేపట్టారు.
రాజకీయ అనుబంధం బహిర్గతం
ఈ ఘటనలో మరో కోణం వెలుగులోకి వచ్చింది. అదుపులోకి తీసుకున్న ముగ్గురు యువకులు తిరుపతి టీడీపీ సీనియర్ నేత జేబీ శ్రీనివాస్ (JB Srinivas) అనుచరులని స్థానికులు ఆరోపిస్తున్నారు. నిందితులు జేబీ శ్రీనివాస్తో ఉన్న ఫొటోలు, అలాగే ఆయన బర్త్ డే సందర్భంగా వేసిన ఫ్లెక్సీలు సోషల్ మీడియాలో వైరల్ అవుతున్నాయి.
స్థానికుల ఆగ్రహం
“తమ వెనుక రాజకీయ అండ ఉందనే ధైర్యంతోనే ఈ యువకులు రోడ్ల మీద వీరంగం సృష్టించారు” అంటూ స్థానికులు మండిపడుతున్నారు. సాధారణ ప్రజలపై పోకిరీ చేష్టలు చేసి భయాందోళనలు సృష్టించడం అంగీకారయోగ్యం కాదని, ఇలాంటి ఘటనలు మళ్లీ జరగకుండా కఠిన చర్యలు తీసుకోవాలని వారు డిమాండ్ చేస్తున్నారు.
