ఏలూరు జిల్లాలో దారుణం.. 14 ఏళ్ల బాలిక ప్ర‌స‌వం

ఏలూరు జిల్లా చింత‌లపూడిలో దారుణ ఘ‌ట‌న చోటుచేసుకుంది. చింతలపూడి ప్రభుత్వ ఆస్ప‌త్రిలో 14 ఏళ్ల బాలిక బిడ్డకు జన్మనిచ్చిన సంఘటన స్థానికంగా కలకలం రేపుతోంది. స్థానిక వస్త్ర దుకాణంలో పనిచేస్తున్న ఈ బాలిక, తల్లిదండ్రులకు తెలియకుండా ఆస్ప‌త్రిలో పాపకు జన్మనిచ్చింది. ఈ బాలిక తల్లి గృహిణి, తండ్రి ట్యాక్సీ డ్రైవర్‌గా పనిచేస్తున్నారు. ఈ ఘటనపై సమాచారం అందుకున్న పోలీసులు కేసు నమోదు చేసి, దర్యాప్తు ప్రారంభించారు. బాలికకు ఈ పరిస్థితి ఎలా వచ్చిందన్నదానిపై పూర్తి వివరాలు తెలియాల్సి ఉంది.