ఐపీఎల్లో(IPL) వరుసగా రెండు సార్లు ఆర్సీబీకి(RCB) టైటిల్(Title) అందించి జట్టు చరిత్రలోనే అత్యంత విజయవంతమైన కెప్టెన్గా నిలిచిన రజత్ పాటిదార్ (Rajat Patidar) తాజాగా చేసిన వ్యాఖ్యలు క్రికెట్ వర్గాల్లో చర్చనీయాంశంగా మారాయి. ప్రస్తుతం ఆర్సీబీ అభిమానుల అభిమాన కెప్టెన్గా గుర్తింపు పొందిన పాటిదార్, ఒకప్పుడు ఆ ఫ్రాంచైజీ (Franchise) తరపున ఆడాలనే ఆసక్తే తనకు లేదని వెల్లడించడం అందరినీ ఆశ్చర్యానికి గురి చేసింది. 2022 మెగా వేలంలో ఏ జట్టు కొనుగోలు చేయకపోవడంతో నిరాశలో ఉన్న సమయంలో, ఆర్సీబీ నుంచి రిప్లేస్మెంట్ ప్లేయర్గా (Replacement Player) పిలుపు వచ్చినా తాను వెంటనే అంగీకరించలేదని ఆయన తెలిపారు.
అప్పటికే తన వివాహ ముహూర్తం ఖరారై ఉండటంతో, కేవలం బెంచ్కే (Bench) పరిమితమయ్యే అవకాశం కోసం పెళ్లిని వాయిదా వేయడం సరైన నిర్ణయం కాదని భావించినట్లు పాటిదార్ చెప్పారు. అయితే చివరకు జట్టులో చేరిన ఆయన, లక్నో సూపర్ జయింట్స్తో (Lucknow Super Giants) జరిగిన ఎలిమినేటర్ మ్యాచ్లో అద్భుతమైన సెంచరీతో ఒక్కసారిగా స్టార్గా మారిపోయారు. ఆ ఇన్నింగ్స్ ఆయన కెరీర్ను పూర్తిగా మార్చేసింది. ఆర్సీబీలోకి రావాలనుకోని ఆటగాడే నేడు ఆ జట్టుకు వరుస టైటిళ్లు అందించిన కెప్టెన్గా ఎదగడం క్రికెట్ అభిమానులను ఆశ్చర్యపరుస్తోంది.
