భారత సినిమా పరిశ్రమ గ్లోబల్ స్థాయిలో దూసుకుపోతున్న వేళ, స్టార్ హీరోల మార్కెట్ విలువలు కూడా రికార్డు స్థాయికి చేరుతున్నాయి. తాజాగా వెలువడిన గణాంకాల ప్రకారం భారత సినీ ఇండస్ట్రీలో అత్యంత విలువైన నటుడిగా టాలీవుడ్ రెబల్ స్టార్ ప్రభాస్ అగ్రస్థానంలో నిలిచారు. పాన్ ఇండియా సినిమాలతో దేశవ్యాప్తంగా కాదు… అంతర్జాతీయంగా కూడా భారీ క్రేజ్ సంపాదించిన ప్రభాస్ మార్కెట్ విలువ సుమారు రూ.7,132 కోట్లుగా అంచనా వేయబడింది. ‘బాహుబలి’, ‘సలార్’, ‘కల్కి 2898 AD’ వంటి భారీ ప్రాజెక్టులు ప్రభాస్ను పాన్ ఇండియా ట్రెండ్కు ప్రతీకగా నిలబెట్టాయి.
ఈ జాబితాలో రెండో స్థానంలో షారుఖ్ ఖాన్ (రూ.4,124 కోట్లు) ఉండగా, అతనికి వెంటనే సల్మాన్ ఖాన్, ఆమిర్ ఖాన్, రజనీకాంత్ వంటి దిగ్గజాలు చోటు దక్కించుకున్నారు. టాలీవుడ్ నుంచి అల్లు అర్జున్, జూనియర్ ఎన్టీఆర్, రామ్ చరణ్ టాప్ 10లో ఉండటం విశేషం. ముఖ్యంగా ‘పుష్ప’, ‘ఆర్ఆర్ఆర్’ వంటి చిత్రాలతో వీరి మార్కెట్ విలువ గణనీయంగా పెరిగింది. ఈ టాప్ 10 లిస్ట్ చూస్తే… పాన్ ఇండియా సినిమాల ప్రభావంతో దక్షిణాది హీరోలు దేశవ్యాప్తంగా ఎంతటి ఆధిపత్యం చెలాయిస్తున్నారో స్పష్టంగా తెలుస్తోంది.
