నా జీవితానికి ఆమె ఆదర్శం.. – దర్శకుడు బాబీ

ప్రముఖ దర్శకుడు బాబీ కొల్లి తన జీవితాన్ని ప్రభావితం చేసిన వ్యక్తి గురించి ప్ర‌స్తావించారు. తన భార్య అనూషను ప్రశంసించారు. ఓ ఇంటర్వ్యూలో ఆయన మాట్లాడుతూ.. “నేను స్కూల్లో చదువుతున్నప్పుడు నా భార్య అనూషను ప్రేమించాను. ఆమె స్కూల్ టాపర్. ఇంజినీరింగ్ గోల్డ్ మెడలిస్ట్. ఆమె కుటుంబం చాలా పెద్దది. అయినా, ఏమీ లేని నన్ను పెళ్లి చేసుకోవాలని నిశ్చయించుకుంది. కాలంతో ఎన్నో మార్పులు వచ్చినా, అనూష మాత్రం మారలేదు. స్టార్ డైరెక్టర్ భార్య అనే గర్వంతో కాకుండా, చాలా సాదాసీదాగా ఉంటుంది. నా జీవితానికి ఆమె నిజమైన ఆదర్శం.” అని చెప్పారు. ఆయన మాటల ప్రకారం, అనూష తన విజయం వెనుక కీలక పాత్ర పోషించిందని అర్థమవుతోంది.