మహా కుంభమేళాలో (Maha Kumbh Mela) పూసల దండలు అమ్ముతూ సోషల్ మీడియాలో సెన్సేషన్గా (Social Media Sensation) మారిన మోనాలిసా భోసలే (Social Media Sensation) వివాహం (Marriage) ఇప్పుడు చట్టపరమైన చిక్కుల్లో పడింది. మోనాలిసాను వివాహం చేసుకున్న ఫర్మాన్ ఖాన్పై (Furman Khan) మధ్యప్రదేశ్ పోలీసులు పోక్సో (POCSO) చట్టం కింద కేసు నమోదు చేశారు.
అసలేం జరిగిందంటే?
ఇటీవల కేరళంలోని తిరువనంతపురంలో మోనాలిసా, ఫర్మాన్ ఖాన్ హిందూ సంప్రదాయం ప్రకారం వివాహం చేసుకున్నారు. అయితే, ఈ పెళ్లిపై మోనాలిసా తల్లిదండ్రులు (Parents) తీవ్ర అభ్యంతరం వ్యక్తం చేస్తూ పోలీసులను ఆశ్రయించారు. తమ కుమార్తె మైనర్ అని, ఆమెను ప్రలోభపెట్టి తీసుకెళ్లారని వారు ఫిర్యాదు చేశారు.
NCST జోక్యం
ఈ కేసును సీరియస్గా తీసుకున్న నేషనల్ కమిషన్ ఫర్ షెడ్యూల్ ట్రైబ్స్ (NCST), మోనాలిసా వయసుపై విచారణ చేపట్టింది. పెళ్లి సమయంలో మోనాలిసా సమర్పించిన ఆధార్ కార్డు (Aadhaar Card) ప్రకారం ఆమెకు 18 ఏళ్లు నిండినట్లు ఉంది. అయితే, మధ్యప్రదేశ్ ఆరోగ్య శాఖ జారీ చేసిన అసలు పుట్టిన తేదీ ధృవీకరణ పత్రాన్ని పరిశీలించగా, ఆమె పుట్టిన తేదీ డిసెంబర్ 30, 2009 అని తేలింది. దీని ప్రకారం పెళ్లి నాటికి ఆమె వయసు కేవలం 16 ఏళ్లు మాత్రమే అని కమిషన్ స్పష్టం చేసింది.
భర్తపై పోక్సో కేసు నమోదు
మైనర్ (Minor) అని తెలిసినా వివాహం చేసుకున్నందుకు, ఫోర్జరీ పత్రాలు సృష్టించినందుకు గాను, మోనాలిసా భర్త ఫర్మాన్ ఖాన్పై మధ్యప్రదేశ్లోని మహేశ్వర్ పోలీసులు (Maheshwar Police) కేసు నమోదు చేశారు. కేరళలో జరిగిన ఈ పెళ్లికి సహకరించిన మరికొందరిపై కూడా విచారణ జరిపి చర్యలు తీసుకోవాలని NCST పోలీసులను ఆదేశించింది. మరోవైపు, మోనాలిసా తాను మేజర్ అని, తన ఇష్టపూర్వకంగానే ఫర్మాన్ ఖాన్ను పెళ్లి చేసుకున్నానని మీడియా ముందు పేర్కొంది. తన తల్లిదండ్రులు బలవంతంగా వేరే వివాహం చేయాలని చూడటం వల్లే తాను ఇంటి నుంచి వచ్చేసి పెళ్లి చేసుకున్నట్లు ఆమె వాదిస్తోంది.
ప్రస్తుతం ఈ కేసు మధ్యప్రదేశ్, కేరళం పోలీసుల మధ్య సమన్వయంతో విచారణ దశలో ఉంది. చట్టప్రకారం ఆమె మైనర్ అని తేలితే ఫర్మాన్ ఖాన్కు కఠిన శిక్ష పడే అవకాశం ఉంది.
