షిమ్కెంట్ (Shymkent) (కజకిస్తాన్) (Kazakhstan)లో జరుగుతున్న ఆసియా (Asia) సీనియర్ షూటింగ్ ఛాంపియన్షిప్ (Senior Shooting Championship)లో భారత స్టార్ షూటర్ మను భాకర్ రెండు కాంస్య పతకాలను గెలుచుకుంది. మహిళల 10 మీటర్ల ఎయిర్ పిస్టల్ ఈవెంట్లో వ్యక్తిగత విభాగంతో పాటు జట్టు విభాగంలోనూ ఆమె ఈ పతకాలను సాధించింది.
మను భాకర్కు డబుల్ బ్రాంజ్
ఎనిమిది మంది షూటర్ల మధ్య జరిగిన వ్యక్తిగత ఫైనల్లో మను భాకర్ 219.7 పాయింట్లు సాధించి మూడో స్థానంలో నిలిచి కాంస్య పతకాన్ని గెలుచుకుంది. జట్టు విభాగంలో, మను భాకర్ (Manu Bhaker), సురుచి సింగ్, మరియు పలక్తో కూడిన భారత మహిళల జట్టు మొత్తం 1730 పాయింట్లతో మూడో స్థానంలో నిలిచి మరో కాంస్య పతకాన్ని కైవసం చేసుకుంది. ఈ జట్టులో మను 583 పాయింట్లు, సురుచి 574 పాయింట్లు, మరియు పలక్ 573 పాయింట్లు సాధించారు.
ఆసియా జూనియర్ ఛాంపియన్షిప్లో స్వర్ణం
అదే వేదికపై జరుగుతున్న ఆసియా జూనియర్ ఛాంపియన్షిప్లోనూ భారత షూటర్లు సత్తా చాటారు. రష్మిక 10 మీటర్ల ఎయిర్ పిస్టల్ ఈవెంట్లో స్వర్ణ పతకాన్ని గెలుచుకుంది. ఫైనల్లో రష్మిక 241.9 పాయింట్లు స్కోరు చేసింది. రష్మిక, వన్షిక, మరియు మోహిని సింగ్తో కూడిన భారత జూనియర్ జట్టు 1720 పాయింట్లతో పసిడి పతకాన్ని సొంతం చేసుకుంది.
