టీమిండియా యువ బ్యాటర్ ఇషాన్ కిషన్ ప్రస్తుతం అద్భుత ఫామ్లో కొనసాగుతున్నాడు. ఇటీవల టీ20 ప్రపంచకప్లో పాకిస్థాన్పై కీలక ఇన్నింగ్స్ ఆడుతూ 77 పరుగులు సాధించి జట్టు విజయంలో ముఖ్య పాత్ర పోషించాడు. జాతీయ జట్టుకు సుమారు రెండేళ్ల విరామం తర్వాత తిరిగి వచ్చిన ఇషాన్, ఇప్పుడు భారీ స్కోర్లతో తన స్థానం బలపరుచుకుంటున్నాడు.
క్రీడా ప్రదర్శనతో పాటు ఆయన వ్యక్తిగత జీవితం కూడా చర్చనీయాంశమైంది. ఇషాన్ కిషన్ ప్రముఖ మోడల్ అదితి హుందైతో రిలేషన్లో ఉన్నాడన్న వార్తలకు ఆయన తాతయ్య అనురాగ్ పాండే ధృవీకరణ ఇచ్చారు. బీహార్లోని ఔరంగాబాద్కు చెందిన పాండే మాట్లాడుతూ.. “ఇషాన్ ఎవరిని పెళ్లి చేసుకోవాలనుకుంటే, అతని నిర్ణయాన్ని మేము పూర్తిగా ఆమోదిస్తాం. పిల్లల సంతోషమే మాకు ముఖ్యం” అని తెలిపారు.
అదితి హుందై ఓ మోడల్ అని, ఇషాన్తో ఆమెకు స్నేహం ఉన్న విషయం కుటుంబానికి తెలుసని ఆయన పేర్కొన్నారు. పెళ్లి విషయంలో తుది నిర్ణయం ఇషాన్కే వదిలివేస్తున్నామని స్పష్టం చేశారు. మైదానంలో రాణిస్తూ, వ్యక్తిగత జీవితంలో కూడా సంతోషంగా ఉన్న ఇషాన్ కిషన్ ప్రస్తుతం అభిమానుల్లో మరింత ఆదరణ పొందుతున్నాడు.
