బీసీ రిజర్వేషన్ల (BC Reservations) బిల్లు (Bill)కు చట్టబద్ధత కల్పించాలని, అప్పటి వరకు బీఆర్ఎస్ (BRS) బరాబర్ కొట్లాడుతుందని ఎమ్మెల్సీ కవిత (MLC Kavitha) స్పష్టం చేశారు. కేంద్ర ప్రభుత్వంపై ఒత్తిడి తెచ్చేందుకు జులై 17న రైల్ రోకో (Rail Blockade) నిర్వహించనున్నట్లు ఆమె తెలిపారు.
కవిత మాట్లాడుతూ, 42 శాతం బీసీ రిజర్వేషన్ల బిల్లు కోసం తాము కేంద్రం (Central Government)పై ఒత్తిడి తెస్తున్నామని అన్నారు. రైల్ రోకోకు మద్దతు ఇవ్వాల్సిందిగా కొన్ని పార్టీలను కలిశామని తెలిపారు. కొత్తగా ఎన్నికైన బీజేపీ నాయకుడు రామచందర్ రావు (Ramachander Rao)కు బీసీ బిల్లు పెట్టే విధంగా చూడాలని లేఖ రాశామని పేర్కొన్నారు. ఈరోజు హైదరాబాద్కు వస్తున్న కాంగ్రెస్ అధ్యక్షుడు (Congress President) ఖర్గే (Kharge)కు కూడా లేఖ ద్వారా విజ్ఞప్తి చేస్తున్నామని, కేంద్రంపై ఒత్తిడి తేవాలని ఖర్గేను కోరుతున్నామని ఆమె తెలిపారు. ప్రభుత్వం చేపట్టిన కులగణన వివరాలను బయటపెట్టాలని కూడా డిమాండ్ చేశారు.
ప్రభుత్వం ఏర్పాటు చేసిన కమిటీ ఏమి తేల్చిందో వివరాలు బయటపెట్టాలని కవిత డిమాండ్ చేశారు. రైల్ రోకోకు మద్దతు ఇవ్వాలని బీసీ సమాజాన్ని విజ్ఞప్తి చేశారు. “డెక్కన్ నుంచి ఢిల్లీ వెళ్లే ప్రతి రైలును ఆపుదాం.. ఢిల్లీ (Delhi)కి మన గొంతు వినిపించేలా చేద్దాం,” అని ఆమె పిలుపునిచ్చారు. కలిసి వచ్చే అన్ని ప్రజా సంఘాలను ఆహ్వానిస్తున్నామని తెలిపారు. జులై 8న ఢిల్లీ వెళ్లి ప్రెస్మీట్ పెట్టి కేంద్ర ప్రభుత్వాన్ని బీసీ బిల్లుపై ప్రశ్నిస్తామని చెప్పారు.
అదేవిధంగా, బనకచర్ల ప్రాజెక్టు కాంట్రాక్టర్ల కోసం కట్టే ప్రాజెక్టు అని కాంగ్రెస్ ఎమ్మెల్యే అనిరుధ్ రెడ్డి (Anirudh Reddy) చెప్పారని గుర్తు చేస్తూ, ఇప్పటికైనా సీఎం కళ్ళు తెరిచి బనకచర్లను ఆపే విధంగా కొట్లాడాలని ఎమ్మెల్సీ కవిత అన్నారు.
