భారత పంచాయతీ రంగంలో కీలక సంస్థ అయిన సెక్యూరిటీస్ అండ్ ఎక్స్చేంజ్ బోర్డు ఆఫ్ ఇండియా (SEBI) కొత్త చైర్మన్గా తుహిన్ కాంతా పాండే నియమితులయ్యారు. 1987 బ్యాచ్‌ ఒడిశా క్యాడర్‌కు చెందిన ఐఏఎస్ అధికారి అయిన పాండే, రాబోయే మూడు సంవత్సరాల పాటు ఈ బాధ్యతల్లో కొన‌సాగ‌నున్నారు. ప్రస్తుతం ఆర్థిక, ఆదాయ కార్యదర్శిగా ఉన్న పాండే మాధబీ పురి బుచ్ స్థానంలో ఫిబ్రవరి 28 తర్వాత బాధ్యతలు స్వీకరించనున్నారు.
DIPAMలో కీలక విజయాలు
తుహిన్ కాంతా పాండే గతంలో పెట్టుబడి మరియు ప్రభుత్వ ఆస్తుల నిర్వహణ విభాగం (DIPAM) కార్యదర్శిగా పనిచేశారు. ఈ పదవిలో ఎయిర్ ఇండియా ప్రైవేటీకరణ, LIC లిస్టింగ్ వంటి ప్రధాన ప్రాజెక్టులను విజయవంతంగా పూర్తి చేసి విశేష గుర్తింపు తెచ్చుకున్నారు. 2024 జనవరిలో ఆదాయ కార్యదర్శిగా నియమితులైన పాండే, ఆర్థిక రంగంలో దశాబ్దాల అనుభవంతో SEBIకు కొత్త దిశను అందించనున్నారు.
SEBIలో మారుతున్న నాయకత్వం
తుహిన్ కాంతా పాండే నియామకం వల్ల మాధబీ పురి బుచ్ పదవీకాల పొడిగింపు అవకాశాలు తగ్గిపోయాయి. గతంలో UK సిన్హా (6 ఏళ్లు), అజయ్ త్యాగీ (5 ఏళ్లు) SEBI చైర్మ‌న్లుగా గణనీయమైన కాలం పాటు కొనసాగినా, బుచ్‌కు అలాంటి అవకాశం రాలేదు. SEBI కొత్త చైర్మన్గా తుహిన్ కాంతా పాండే నియామకం భారత స్టాక్ మార్కెట్ నియంత్రణ వ్యవస్థలో కీలక మార్పులకు దారి తీసే అవకాశముంది.
