హమాస్ తన చెరలో ఉన్న ముగ్గురు ఇజ్రాయెలీ బందీలను విడుదల చేసింది. ఎల్ షరాబి (52), ఒహాద్ బెన్ అమి (56), ఓర్ లెవీ (34)లను శనివారం రెడ్ క్రాస్‌కు అప్పగించారు. దీనికి ప్రతిగా, ఇజ్రాయెల్ 183 మంది పాలస్తీనా ఖైదీలను విడిచిపెట్టింది.
ఈ మార్పిడి అనంతరం కొంతమంది ఖైదీలు వెస్ట్ బ్యాంక్‌లోని రమల్లా, గాజాలోని ఖాన్ యూనిస్ ప్రాంతాలకు చేరుకున్నారు. గాజా కాల్పుల విరమణ అనంతరం ఇజ్రాయెల్-హమాస్ మధ్య జరిగిన ఐదో మార్పిడి ఇదే.
ప్రస్తుత ఒప్పందం మొదటి దశలో భాగంగా, హమాస్ 33 మంది బందీలను విడుదల చేయగా, ఇజ్రాయెల్ దాదాపు 1,800 పైగా పాలస్తీనా ఖైదీలను విడిచిపెట్టింది.
