ఆంధ్రప్రదేశ్‌లో(Andhra Pradesh) మున్సిపల్ ఎన్నికల (Municipal Elections) పోలింగ్ (Polling) కొనసాగుతోంది. రాష్ట్రవ్యాప్తంగా 92 పట్టణ స్థానిక సంస్థల్లోని 3,453 వార్డులకు ఆదివారం ఎన్నికలు నిర్వహిస్తున్నారు. ఉదయం 11 గంటల వరకు రాష్ట్రవ్యాప్తంగా 22.08 శాతం పోలింగ్ నమోదైంది. మొత్తం 96,89,061 మంది ఓటర్లకు గాను 21,39,625 మంది తమ ఓటు హక్కును (Right to Vote) వినియోగించుకున్నారు.
పట్టణాల వారీగా పోలింగ్ శాతాన్ని(Polling Percentage) పరిశీలిస్తే.. అత్యధికంగా కడప జిల్లా (Kadapa District) జమ్మలమడుగులో 60.92 శాతం పోలింగ్ నమోదైంది. కుప్పంలో 44.30 శాతం, కనిగిరిలో 43.06 శాతం, నాగరిలో 40.46 శాతం, పెనుకొండలో 39.41 శాతం, రాయదుర్గంలో 38.79 శాతం, నందిగామలో 36.92 శాతం, చిమకుర్తిలో 36.95 శాతం, నర్సీపట్నంలో 35.19 శాతం పోలింగ్ నమోదైంది.
ప్రధాన నగరాల్లో విశాఖపట్నం (Visakhapatnam) జీవీఎంసీ పరిధిలో 13.34 శాతం, విజయవాడలో 18.07 శాతం, గుంటూరులో 17.82 శాతం, నెల్లూరులో 19.05 శాతం, కర్నూలులో 22.57 శాతం, తిరుపతిలో 20.24 శాతం పోలింగ్ నమోదైంది. ఇతర పట్టణాల్లో విజయనగరంలో 22.20 శాతం, ఏలూరులో 26.10 శాతం, మచిలీపట్నంలో 29.07 శాతం, ఒంగోలులో 17.24 శాతం, అనంతపురంలో 16.30 శాతం, కడపలో 18.54 శాతం, పులివెందులలో 35.17 శాతం ఓటింగ్ నమోదైంది. ప్రతి రెండు గంటలకు ఒకసారి పోలింగ్ శాతాన్ని వెల్లడించే ఎన్నికల సంఘం షెడ్యూల్‌ ప్రకారం తదుపరి గణాంకాలు వెలువడనున్నాయి. పోలింగ్ ప్రక్రియ కొనసాగుతుండటంతో మరింత మంది ఓటర్లు తమ ఓటు హక్కును వినియోగించుకునే అవకాశం ఉంది.
