ఆసియా గేమ్స్ 2026 (Asian Games 2026) పురుషుల క్రికెట్ (Men’s Cricket) పసిడి పోరులో చిరకాల ప్రత్యర్థి పాకిస్తాన్‌పై(Pakistan) భారత్(India) తిరుగులేని విజయాన్ని నమోదు చేసింది. ఉత్కంఠభరితంగా సాగిన ఈ గోల్డ్ మెడల్ మ్యాచ్‌లో(Gold Medal Match పాకిస్తాన్‌ను 19 పరుగుల తేడాతో ఓడించి భారత్ మరోసారి ఆసియా ఛాంపియన్‌గా నిలిచింది.
టాస్ గెలిచి బ్యాటింగ్ ఎంచుకున్న భారత జట్టుకు ఓపెనర్ అభిషేక్ శర్మ (Abhishek Sharma) విధ్వంసకర ప్రారంభాన్ని అందించాడు. కేవలం 28 బంతుల్లోనే 3 ఫోర్లు, 7 సిక్సర్లతో 61 పరుగులు చేసి పాకిస్తాన్ బౌలర్లను చెలగాటమాడాడు. ఆ తర్వాత వైస్ కెప్టెన్ తిలక్ వర్మ(Tilak Varma) బాధ్యతాయుతమైన ఇన్నింగ్స్‌తో ఆకట్టుకున్నాడు. ఆఖరి ఓవర్లలో శివమ్ దూబె (Shivam Dube) (27), తిలక్ వర్మల దాడితో భారత్ నిర్ణీత 20 ఓవర్లలో 6 వికెట్ల నష్టానికి 211 పరుగుల భారీ స్కోరు సాధించింది.
212 పరుగుల భారీ లక్ష్యంతో బరిలోకి దిగిన పాకిస్తాన్‌ను భారత బౌలర్లు ఆరంభంలోనే ఒత్తిడిలోకి నెట్టారు. అయితే, హసన్ నవాజ్ (Hasan Nawaz) (94) ఒంటరి పోరాటం చేస్తూ అర్ధసెంచరీతో భారత్‌ను భయపెట్టాడు. ఒక దశలో మ్యాచ్ ఉత్కంఠగా మారినప్పటికీ, మిడిల్ ఓవర్లలో వాషింగ్టన్ సుందర్, అక్షర్ పటేల్, శివమ్ దూబెలు కీలకమైన వికెట్లు తీసి పాకిస్తాన్‌ను కట్టడి చేశారు. ఆఖరి ఓవర్‌లో పాక్ గెలుపునకు 33 పరుగులు అవసరం కాగా, భారత్ రన్స్ నియంత్రించి 19 పరుగుల తేడాతో ఘన విజయం సాధించింది.
ఇప్పటికే మహిళల క్రికెట్ విభాగంలో స్వర్ణం సాధించిన భారత్, ఇప్పుడు పురుషుల విభాగంలోనూ గోల్డ్ మెడల్ కైవసం చేసుకుని ఆసియా గేమ్స్‌లో క్రికెట్ విభాగంలో తమ ఆధిపత్యాన్ని చాటుకుంది. టీమిండియా సాధించిన ఈ చారిత్రాత్మక విజయంపై దేశవ్యాప్తంగా క్రీడాభిమానులు హర్షం వ్యక్తం చేస్తున్నారు.
