టాలీవుడ్లో ఇటీవల వరుస అవకాశాలతో దూసుకుపోతున్న యంగ్ హీరోయిన్ కయాదు లోహర్. నేచురల్ స్టార్ నాని నటిస్తున్న మోస్ట్ అవేటెడ్ మూవీ ‘ది ప్యారడైజ్’లో హీరోయిన్గా నటిస్తుండటంతో ఈ భామపై సినీ ప్రియుల్లో భారీ అంచనాలు నెలకొన్నాయి. సెప్టెంబర్ 24న ఈ సినిమా ప్రేక్షకుల ముందుకు వస్తున్న నేపథ్యంలో తాజాగా హీరో నాని, హీరోయిన్ కయాదు లోహర్ ప్రమోషన్ ఇంటర్వ్యూలో బిజీగా ఉన్నారు. ఈ ప్రమోషన్ ఇంటర్వ్యూలో కయాదు లోహర్ మాట్లాడుతూ.. తన అసలు పేరు, నేపథ్యం, పర్సనల్ లైఫ్ గురించి పలు ఆసక్తికరమైన విషయాలను పంచుకుంది.
తాజా ఇంటర్వ్యూలో కయాదు మాట్లాడుతూ..తన పేరు ‘కయాదు’ వెనుక ఉన్న పురాణ నేపథ్యాన్ని బయటపెట్టింది. “నా పేరు సాధారణమైనది కాదు.. హిందూ పురాణాల్లోని రాక్షస రాజు హిరణ్యకశిపుడి భార్య పేరు ‘కయాదు’. ప్రహ్లాదుడి తల్లి కూడా ఆమే. మా తల్లిదండ్రులు ఆ మైథలాజికల్ క్యారెక్టర్ స్ఫూర్తితోనే నాకు ఆ పేరు పెట్టారు” అని స్పష్టం చేసింది. అలాగే తన ఇంటిపేరు మార్పు వెనుక ఉన్న మరో ట్విస్ట్ను కూడా ఆమె వెల్లడించింది. “వాస్తవానికి నా అసలు ఇంటిపేరు ‘లోహర్’ కాదు.. మా పూర్వీకుల ఇంటిపేరు ‘గాడలి’. అంటే నా పూర్తి పేరు ‘కయాదు గాడలి’. కానీ మా నాన్నగారు పూణేకు మారిన సమయంలో ఏదో కారణం చేత మా ఇంటిపేరును ‘లోహర్’గా మార్చేశారు. అలా నేను ‘కయాదు లోహర్’గా మారిపోయాను. ఇప్పటికీ ఆ ఇంటి పేరు మార్పు ఎందుకు చేశారో నాకు పూర్తిగా తెలియదు. కానీ నాకు వేరే ఆప్షన్ లేకపోవడంతో దాన్నే కంటిన్యూ చేస్తున్నాను” అని నవ్వుతూ చెప్పింది.
తన మూలాలు నేపాల్కి చెందినవైనప్పటికీ, తన కుటుంబం అస్సాం, పూణేల్లో స్థిరపడినట్లు కయాదు చెప్పుకొచ్చింది. ఒకవైపు విలక్షణమైన పౌరాణిక పేరు, మరోవైపు తండ్రి మార్చిన ఇంటిపేరు.. ఈ రెండింటి కాంబినేషన్తో ఇప్పుడు నెట్టింట కయాదు లోహర్ పేరు మార్మోగిపోతోంది. ఈ ఆసక్తికరమైన వివరాలు బయటకు రావడంతో నెటిజన్లు ఆమె కుటుంబ నేపథ్యంపై చర్చించుకుంటున్నారు.
