భారత సీనియర్ పేసర్ మహ్మద్ షమీ (Mohammed Shami) టీమిండియాలోకి పునరాగమనం చేసేందుకు తన అవకాశాలను మరింత బలపరుచుకుంటున్నారు. ప్రస్తుతం జరుగుతున్న దులీప్ ట్రోఫీ (Duleep Trophy) సెమీఫైనల్లో ఈస్ట్ జోన్ (East Zone) తరఫున ఆడుతున్న షమీ.. సెంట్రల్ జోన్పై 16 ఓవర్లు బౌలింగ్ చేసి యశ్ రాథోడ్(Yash Rathod), అర్షద్ ఖాన్లను (Arshad Khan) ఔట్ చేశారు. అర్షద్ ఖాన్ వికెట్తో షమీ తన ప్రొఫెషనల్ క్రికెట్ కెరీర్లో ఫస్ట్క్లాస్, లిస్ట్-ఎ, టీ20 ఫార్మాట్లు కలిపి 900 వికెట్ల మైలురాయిని (Milestone) చేరుకున్నట్లు సమాచారం. దీంతో భారత్(India) తరఫున ఈ ఘనత సాధించిన ఐదో పేసర్గా షమీ నిలిచినట్లు స్పోర్ట్స్ జర్నలిస్ట్ లలిత్ కాళిదాస్ (Lalit Kalidas) పేర్కొన్నారు. గాయాల కారణంగా జస్ప్రీత్ బుమ్రా, ప్రిన్స్ యాదవ్, హర్షిత్ రాణా వంటి పేసర్లు అందుబాటులో లేని సమయంలో షమీ నిలకడగా రాణించడం టీమిండియా పునరాగమనంపై ఆశలు పెంచుతోంది.
సర్జరీ అనంతరం తిరిగి దేశవాళీ క్రికెట్లో అడుగుపెట్టిన షమీ వరుసగా వికెట్లు సాధిస్తూ తన ఫిట్నెస్(Fitness), బౌలింగ్ సామర్థ్యాన్ని నిరూపించుకుంటున్నారు. 2025-26 రంజీ ట్రోఫీలో 13 మ్యాచ్ల్లో 37 వికెట్లు తీసిన ఆయన.. విజయ్ హజారే ట్రోఫీలో 7 మ్యాచ్ల్లో 15 వికెట్లు, సయ్యద్ ముస్తాక్ అలీ ట్రోఫీలో 7 మ్యాచ్ల్లో 16 వికెట్లు సాధించారు. ఐపీఎల్ 2026లో లక్నో సూపర్ జెయింట్స్ తరఫున 13 మ్యాచ్ల్లో 12 వికెట్లు పడగొట్టారు. దులీప్ ట్రోఫీ క్వార్టర్ ఫైనల్లో వికెట్లు దక్కకపోయినా.. సెమీఫైనల్లో పుంజుకుని కీలక వికెట్లు సాధించడంతో 2027 వన్డే ప్రపంచకప్ నేపథ్యంలో భారత జట్టులోకి తిరిగి వచ్చే అవకాశాలను మరింత పెంచుకున్నారు.
