అక్కినేని నాగార్జున కెరీర్లో అత్యంత ప్రతిష్టాత్మకంగా తెరకెక్కుతున్న 100వ చిత్రం ‘కింగ్ 100’పై మరో భారీ అప్డేట్ వచ్చింది. ఈ చిత్రానికి రాక్స్టార్ దేవి శ్రీ ప్రసాద్ సంగీత దర్శకుడిగా పనిచేయనున్నట్లు అన్నపూర్ణ స్టూడియోస్ అధికారికంగా ప్రకటించింది. దేవి శ్రీ ప్రసాద్ 47వ పుట్టినరోజు సందర్భంగా విడుదల చేసిన ప్రత్యేక పోస్టర్తో ఈ విషయాన్ని వెల్లడించగా, ఒక్కసారిగా సినిమాపై అంచనాలు మరింత పెరిగాయి. నాగార్జున కెరీర్లో మైలురాయిగా నిలిచే ఈ చిత్రాన్ని దర్శకుడు రా. కార్తీక్ తెరకెక్కిస్తుండగా, అన్నపూర్ణ స్టూడియోస్ అత్యంత భారీ స్థాయిలో నిర్మిస్తోంది. ఇప్పటికే ప్రముఖ నటి టబు కీలక పాత్రలో నటిస్తున్నట్లు ప్రకటించడంతో ఈ ప్రాజెక్ట్పై సినీ అభిమానుల్లో మరింత ఆసక్తి నెలకొంది.
నాగార్జున–దేవి శ్రీ ప్రసాద్ కాంబినేషన్కు తెలుగు సినీ ప్రేక్షకుల్లో ప్రత్యేక గుర్తింపు ఉంది. గతంలో ‘మన్మధుడు’, ‘మాస్’, ‘కింగ్’, ఇటీవల విడుదలైన ‘కుబేర’ వంటి చిత్రాలకు డీఎస్పీ అందించిన సంగీతం విశేష ఆదరణ పొందింది. ఇప్పుడు అదే విజయవంతమైన కాంబో మరోసారి ‘కింగ్ 100’ కోసం కలవడంతో ఈ సినిమాపై భారీ అంచనాలు ఏర్పడ్డాయి. నాగార్జున 100వ చిత్రంగా రూపొందుతున్న ఈ మూవీ కథ, నిర్మాణ విలువలు, సాంకేతిక ప్రమాణాల విషయంలో ఎలాంటి రాజీ లేకుండా తెరకెక్కిస్తున్నట్లు సమాచారం. మిగిలిన నటీనటులు, విడుదల తేదీకి సంబంధించిన వివరాలను త్వరలో ప్రకటించే అవకాశం ఉండగా, ప్రతి అప్డేట్తో ‘కింగ్ 100’ టాలీవుడ్లో అత్యంత ఆసక్తిగా ఎదురుచూస్తున్న చిత్రాల్లో ఒకటిగా నిలుస్తోంది.
