మాస్ మహారాజా రవితేజ నటిస్తున్న ప్రతిష్టాత్మక చిత్రం ‘ఇరుముడి’ నుంచి విడుదలైన గ్లింప్స్ అభిమానులను విశేషంగా ఆకట్టుకుంటోంది. దర్శకుడు శివ నిర్వాణ తెరకెక్కిస్తున్న ఈ చిత్రంలో రవితేజను గతంలో ఎన్నడూ చూడని విధంగా పవర్ఫుల్, ఎమోషనల్ అవతార్లో చూపించారు. తండ్రీ-కూతుళ్ల అనుబంధాన్ని ప్రధానంగా చూపిస్తూ విడుదలైన గ్లింప్స్లో రవితేజ నటన, భావోద్వేగాలు ప్రేక్షకులను కట్టిపడేస్తున్నాయి. కూతురి కోసం అయ్యప్ప మాల ధరించిన బాధ్యతాయుతమైన తండ్రి పాత్రలో ఆయన కనిపించడం సినిమాపై అంచనాలను మరింత పెంచేసింది.
కేవలం ఫ్యామిలీ ఎమోషన్స్కే పరిమితం కాకుండా, డివోషనల్ టచ్తో పాటు రవితేజ అభిమానులు ఆశించే మాస్ యాక్షన్ ఎలిమెంట్స్ను కూడా దర్శకుడు సమతుల్యంగా మేళవించినట్లు గ్లింప్స్ స్పష్టం చేసింది. మైత్రీ మూవీ మేకర్స్ నిర్మాణ విలువలు, జీవీ ప్రకాష్ అందించిన నేపథ్య సంగీతం గ్లింప్స్కు ప్రత్యేక ఆకర్షణగా నిలిచాయి. ప్రస్తుతం షూటింగ్ దశలో ఉన్న ఈ చిత్రం ఆగస్టు 14న ప్రేక్షకుల ముందుకు రానుండగా, గ్లింప్స్కు వస్తున్న స్పందన చూస్తుంటే రవితేజ ఖాతాలో మరో భారీ హిట్ చేరడం ఖాయమనే అభిప్రాయాలు వ్యక్తమవుతున్నాయి.
