చెన్నై సూపర్ కింగ్స్ (సీఎస్కే) (Chennai Super Kings) జట్టు ఐపీఎల్(IPL) 2026 సీజన్లో కీలక మార్పు చేసింది. గాయంతో టోర్నమెంట్కు దూరమైన యువ ఆటగాడు అయుష్ మహత్రే స్థానంలో అనుభవజ్ఞుడైన వేగవంతమైన బౌలర్ ఆకాష్ మాధ్వాల్ను జట్టులోకి తీసుకుంది. ఇప్పటికే ముంబై ఇండియన్స్ మరియు రాజస్థాన్ రాయల్స్ తరఫున ఆడిన మాధ్వాల్ (Akash Madhwal), ఐపీఎల్లో తన బౌలింగ్ ప్రతిభతో గుర్తింపు పొందాడు. 17 మ్యాచ్లలో 23 వికెట్లు సాధించిన అతడు, ముఖ్యంగా తన డెబ్యూ సీజన్లో లక్నో సూపర్ జెయింట్స్పై (Lucknow Super Giants) ఎలిమినేటర్ మ్యాచ్లో 5 వికెట్లు తీసి సంచలనం సృష్టించాడు.
మరోవైపు, భారత అండర్-19 వరల్డ్ కప్ విజేత కెప్టెన్ అయుష్ మహత్రే ఈ సీజన్లో సీఎస్కేకు మంచి ఆరంభం ఇచ్చాడు. ఆరు మ్యాచ్ల్లో రెండు అర్ధశతకాలు సాధించి తన ప్రతిభను చాటుకున్నాడు. అయితే సన్రైజర్స్ హైదరాబాద్తో జరిగిన మ్యాచ్లో బ్యాటింగ్ చేస్తూ ఎడమ హామ్స్ట్రింగ్ గాయం కారణంగా టోర్నమెంట్కు దూరమయ్యాడు. ఈ నేపథ్యంలో రూ. 30 లక్షల ఫీజుతో మాధ్వాల్ను జట్టులో చేర్చుకోవడం సీఎస్కే బౌలింగ్ దళానికి బలాన్నిస్తుంది.
పిఠాపురంలో నాగబాబు.. వర్మ ఎపిసోడ్పై సైలెన్స్