కర్ణాటక రాజకీయాల్లో (Karnataka Politics) సంచలనం రేపిన యోగేష్ గౌడ (Yogesh Gowda) హత్య కేసులో కీలక తీర్పు వెలువడింది. 2016 జూన్ 15న ధారవాడ జిల్లా పంచాయతీ సభ్యుడు, బీజేపీ(BJP) నాయకుడు యోగేష్ గౌడ హత్యకు గురైన ఘటనపై సీబీఐ (CBI) సుదీర్ఘంగా దర్యాప్తు నిర్వహించింది. ఈ కేసులో మొత్తం 21 మందిని నిందితులుగా చేర్చుతూ దాదాపు 10 వేల పేజీల ఛార్జ్ షీట్ను సమర్పించింది. విచారణ అనంతరం కోర్టు ముగ్గురిని నిర్దోషులుగా ప్రకటించగా, 17 మందిని దోషులుగా తేల్చింది. ఈ కేసులో ధారవాడ కాంగ్రెస్ ఎమ్మెల్యే (Congress MLA) వినయ్ కులకర్ణి (Vinay Kulkarni) ప్రధాన నిందితుడిగా నిలిచారు.
దోషులుగా తేలిన వారిలో వినయ్ కులకర్ణితో పాటు మరో 15 మందికి కోర్టు యావజ్జీవ కారాగార శిక్ష (Life Imprisonment) విధించింది. అదనంగా, ఈ కేసులో భాగమైన ఇన్స్పెక్టర్ చిన్నకేశవకు (Chinnakeshava) ఏడు సంవత్సరాల జైలు శిక్ష విధించారు. ఈ తీర్పుతో కర్ణాటక రాజకీయ వర్గాల్లో చర్చలు మిన్నంటాయి. చట్టం ప్రకారం రెండేళ్లకు మించిన జైలు శిక్ష విధించబడిన ప్రజాప్రతినిధులు పదవికి అనర్హులు అవుతారు కాబట్టి, వినయ్ కులకర్ణి ఎమ్మెల్యే పదవిని కోల్పోనున్నారు. ఈ తీర్పు రాజకీయ నేతలపై న్యాయవ్యవస్థ కఠిన వైఖరిని మరోసారి స్పష్టం చేసింది.
అవసరమైతే తెలంగాణ అంతా తిరుగుతా: పవన్