తెలంగాణ రాజకీయాల్లో మరోసారి మాటల యుద్ధం తీవ్రంగా మారింది. బీఆర్ఎస్ అధినేత కేసీఆర్కు మంత్రి సీతక్క లీగల్ నోటీసు పంపడం రాష్ట్రవ్యాప్తంగా చర్చనీయాంశంగా మారింది. అంగన్వాడీ మొబైల్ ఫోన్ల కొనుగోలు వ్యవహారంపై తనపై బీఆర్ఎస్ సోషల్ మీడియా వేదికల ద్వారా నిరాధార ఆరోపణలు చేస్తూ వ్యక్తిగత ప్రతిష్టకు భంగం కలిగించారని ఆమె ఆరోపించారు. ఈ నేపథ్యంలో 48 గంటల్లోగా ఆ పోస్టులను తొలగించి, బహిరంగ క్షమాపణలు చెప్పాలని డిమాండ్ చేస్తూ ఆమె తరఫున న్యాయవాది రిజిస్టర్డ్ పోస్టు ద్వారా నోటీసులు పంపించారు. ఈ వ్యవహారం ఇప్పుడు రాజకీయ వర్గాల్లో హాట్ టాపిక్గా మారింది.
లీగల్ నోటీసులో మంత్రి సీతక్క స్పష్టంగా వివరణ ఇస్తూ, ఈ టెండర్ ప్రక్రియను తెలంగాణ టెక్నాలజీ సర్వీసెస్ లిమిటెడ్ నిర్వహించిందని, తనకు ఎలాంటి సంబంధం లేదని పేర్కొన్నారు. మొత్తం రూ.44 కోట్ల టెండర్లో రూ.30 కోట్ల అవినీతి జరిగిందన్న ఆరోపణలు పూర్తిగా ఆధారరహితమని ఆమె ఖండించారు. తన ప్రతిష్టను దెబ్బతీసే విధంగా జరుగుతున్న ప్రచారంపై చట్టపరమైన చర్యలు తీసుకుంటానని హెచ్చరించడంతో రాజకీయ వాతావరణం మరింత వేడెక్కింది. ఈ లీగల్ నోటీసుకు బీఆర్ఎస్ ఎలా స్పందిస్తుందో అన్నది ఇప్పుడు ఆసక్తిగా మారింది.
