ఇటీవల కాలంలో చాలా తేలికపాటి అంశాలపై అత్యంత ఆకర్షణీయమైన విశ్లేషణలతో ఆమ్ ఆద్మీ పార్టీ (Aam Aadmi Party) (ఆప్) ఎంపీ రాఘవ్ చద్దా (Raghav Chadha) దేశ వ్యాప్తంగా పాపులారిటీ సంపాదించుకున్నారు. దేశం నలుమూలల నుంచి ఆయనకు మద్దతు పెరుగుతున్న తరుణంలో ఆ యువ ఎంపీపై సొంత నేలు తీవ్ర విమర్శలు గుప్పించారు. పార్టీ మీడియా ఇన్చార్జ్ అనురాగ్ ధండా (Anurag Dhanda), నాయకుడు సౌరభ్ భరద్వాజ్ (Saurabh Bharadwaj) మాట్లాడుతూ, ప్రధాని నరేంద్ర మోడీకి (Narendra Modi) భయపడి చద్దా అసలు ప్రజా సమస్యలను పట్టించుకోవడం ఆరోపణలు చేయడం హాస్యాస్పదంగా మారింది. రాజ్యసభలో పార్టీ తరఫున ఉన్న పదవి నుంచి తొలగింపు అనంతరం ఆప్ బహిరంగంగా స్పందిస్తూ, ఆయన వైఖరిపై సందేహాలు వ్యక్తం చేసింది.
అనురాగ్ ధండా మాట్లాడుతూ, “దేశం ఎదుర్కొంటున్న కీలక సమస్యలపై మాట్లాడాల్సిన సమయంలో సమోసాల ధరల గురించి చర్చించడం ఎంతవరకు సమంజసం?” అని ఎద్దేవా చేశారు. గుజరాత్లో అరెస్టైన పార్టీ కార్యకర్తల విషయమై పార్లమెంటులో చద్దా ఎప్పుడైనా గళమెత్తారా అని ప్రశ్నించారు. అలాగే పశ్చిమ బెంగాల్లో ప్రజాస్వామ్యంపై జరుగుతున్న దాడులపై ఆయన స్పందించకపోవడం కూడా విమర్శలకు దారి తీసింది.
చద్దా గత కొన్నేళ్లుగా మోడీకి వ్యతిరేకంగా మాట్లాడటానికి భయపడుతున్నారని ధండా ఆరోపించారు. పార్లమెంటులో లభించే సమయాన్ని ప్రజల సమస్యలను లేవనెత్తడానికి ఉపయోగించాలి గానీ చిన్నచిన్న అంశాలపై కాదు అని వ్యాఖ్యానించారు. పార్టీ వాకౌట్ చేసిన సందర్భాల్లో కూడా చద్దా సభలోనే ఉండటం ఆయన వైఖరిపై అనుమానాలు పెంచుతోందని అన్నారు.
ఇక సౌరభ్ భరద్వాజ్ మాట్లాడుతూ, పార్లమెంటులో ఉన్న పరిమిత సమయాన్ని గంభీరమైన సమస్యలపై చర్చించడానికి ఉపయోగించాల్సిన అవసరం ఉందన్నారు. అయితే చద్దా ఆ బాధ్యతను సమర్థంగా నిర్వర్తిస్తున్నట్లు కనిపించడం లేదని విమర్శించారు. పార్టీ ఎంపీలు వాకౌట్ చేసినప్పటికీ ఆయన సభలో కొనసాగడం వెనుక కారణం ఏమిటని ప్రశ్నించారు.
