సుందర్-జడేజా అద్భుత శతకాలు: మాంచెస్టర్ టెస్ట్ డ్రా!

మాంచెస్టర్ (Manchester) టెస్ట్ క్రికెట్ (Test Cricket) అభిమానులకు భయం, ఉత్కంఠ, ఆనందం కలగలిసిన సంపూర్ణ ప్యాకేజీ (Complete Package)ని అందించింది. రెండో ఇన్నింగ్స్‌లో భారత్ ఒక్క పరుగు చేయకుండానే రెండు కీలక వికెట్లు కోల్పోయినప్పుడు తీవ్ర ఉత్కంఠ నెలకొంది. ఆ తర్వాత, కేఎల్ రాహుల్ (K.L.Rahul) మరియు కెప్టెన్ శుభ్‌మన్ గిల్ (Shubman Gill) అద్భుతమైన పోరాటం కనబరిచారు. నాలుగో రోజు ఆట ముగిసే వరకు, చివరి రోజు ఆట ఆరంభంలోనూ మ్యాచ్‌(Match)ను డ్రాగా (Draw) ముగించడానికి వారు తీవ్రంగా శ్రమించారు. వీరిద్దరూ కలిసి ఏకంగా 417 బంతులు ఎదుర్కొన్నారు. ఆ తర్వాత క్రీజులోకి వచ్చిన వాషింగ్టన్ సుందర్ (Washington Sundar) మరియు రవీంద్ర జడేజా (Ravindra Jadeja) శతకాలతో (Centuries) చెలరేగి ఇంగ్లాండ్ (England) చేతుల్లోంచి విజయాన్ని లాగేసుకున్నారు. చివరికి ఈ మ్యాచ్ డ్రాగా ముగిసింది. ఈ డ్రా భారత్‌కు విజయం కంటే తక్కువేం కాదు. ప్రస్తుతం ఐదు టెస్టుల సిరీస్‌లో ఇంగ్లాండ్ 2-1 ఆధిక్యంలో ఉంది. చివరి టెస్ట్ జూలై 31 నుంచి లండన్‌లో జరగనుంది.

టీమిండియా చారిత్రాత్మక పోరాటం
ఈ మ్యాచ్ భారతదేశానికి నిజంగా చారిత్రాత్మకమైనది. తొలి ఇన్నింగ్స్‌లో 669 పరుగుల భారీ స్కోరు చేసిన ఇంగ్లాండ్, భారత్‌పై 311 పరుగుల భారీ ఆధిక్యాన్ని సంపాదించింది. అనంతరం బ్యాటింగ్‌కు దిగిన టీమిండియా తొలి ఓవర్‌లోనే రెండు వికెట్లను కోల్పోవడంతో, భారత్ ఓటమి అంచుకు చేరిందని అంతా భావించారు. కానీ, కేఎల్ రాహుల్, శుభ్‌మన్ గిల్ మధ్య నెలకొన్న 188 పరుగుల అద్భుత భాగస్వామ్యం, ఆ తర్వాత జడేజా, సుందర్ దూకుడైన ఇన్నింగ్స్‌లు ఇంగ్లాండ్‌కు విజయాన్ని దక్కకుండా చేశాయి. ఐదో రోజు ఆట ముగిసే సమయానికి భారత్ 4 వికెట్లు కోల్పోయి 425 పరుగులు చేసింది. రవీంద్ర జడేజా అజేయంగా 107 పరుగులు చేయగా, వాషింగ్టన్ సుందర్ అజేయంగా 101 పరుగులు చేసి జట్టుకు డ్రాను అందించారు.

సిరీస్ గెలుపు కల.. డ్రా అయినా విజయం!
ఈ మ్యాచ్‌లో ఇంగ్లాండ్ తమ తొలి ఇన్నింగ్స్‌ను 669 పరుగుల వద్ద డిక్లేర్ చేసింది. దీని ద్వారా భారత్‌పై 311 పరుగుల భారీ ఆధిక్యాన్ని సాధించింది. అంతకుముందు, భారత జట్టు తమ తొలి ఇన్నింగ్స్‌లో 358 పరుగులు మాత్రమే చేయగలిగింది. ఈ డ్రా తర్వాత కూడా, ఐదు మ్యాచ్‌ల టెస్ట్ సిరీస్‌లో భారత జట్టు 1-2తో వెనుకబడి ఉంది. ఇంగ్లాండ్‌లో సిరీస్ గెలవాలనే భారత్ కల నెరవేరలేదు, ఎందుకంటే చివరి, ఐదో మ్యాచ్ గెలిచినా సిరీస్ డ్రాగా మాత్రమే ముగుస్తుంది. అయితే, ఈ డ్రా కూడా గొప్ప పోరాట పటిమను చాటిచెప్పింది.