ఆంధ్రప్రదేశ్‌ (Andhra Pradesh) లోని అనంతపురం (Anantapuram) జిల్లాలోని కళ్యాణదుర్గం (Kalyanadurgam)లో రూ.920 కోట్ల విలువైన ఈ-స్టాంప్ స్కాం (E-Stamp Scam) కేసులో సంచలన విషయాలు వెలుగులోకి వ‌స్తున్నాయి. ఈ కేసులో ప్రధాన నిందితుడిగా గుర్తించబడిన ఎర్రప్ప (Errappa) అలియాస్ (Alias) మీసేవ బాబు (MeeSeva Babu), టీడీపీ కళ్యాణదుర్గం ఎమ్మెల్యే (TDP Kalyandurgam MLA) అలిమినేని సురేంద్రబాబు (Alimineni Surendrababu) ప్రధాన అనుచరుడిగా గుర్తించారు. ఎర్రప్ప ఇంట్లో జరిపిన తనిఖీలలో కీలక పత్రాలు, నకిలీ ఈ-స్టాంప్ పేపర్లు (Fake E-Stamp Papers), రబ్బరు స్టాంపులు (Rubber Stamps) స్వాధీనం చేసుకున్నారు. ఈ ఘటన రాష్ట్ర రాజకీయ వర్గాల్లో తీవ్ర చర్చనీయాంశంగా మారింది.
కేసులో సంచలన విషయాలు..
పోలీసుల విచారణలో ఎర్రప్ప 13,000 నకిలీ ఈ-స్టాంప్ పేపర్లను ట్యాంపరింగ్ చేసి అమ్మినట్లు గుర్తించారు. ఈ నకిలీ పత్రాలను ఉపయోగించి, ఎర్రప్ప తన ఎస్ఆర్ కన్‌స్ట్రక్షన్ సంస్థ ద్వారా స్టాంప్ డ్యూటీని ఎగవేసి బ్యాంకుల నుంచి భారీగా రుణాలు పొందినట్లు ఆరోపణలు వెలువడ్డాయి. ఎర్రప్ప, భార్య బ్యాంక్ ఖాతాలను తనిఖీ చేసిన పోలీసులు, ఎర్రప్ప ఖాతాలో రూ.2 కోట్ల నగదును గుర్తించారు. నకిలీ ఈ-స్టాంప్ పత్రాలు, ఫ్యాబ్రికేటెడ్ డాక్యుమెంట్లతో ఈ స్కాం జరిగినట్లు ప్రాథమిక విచారణలో తేలింది. ఈ కేసు రూ.920 కోట్ల విలువైన కుంభకోణంగా అంచనా వేస్తున్నారు.
ఎమ్మెల్యే సురేంద్రబాబుపై ఆరోపణలు
ఎర్రప్ప అలియాస్ మీసేవ బాబు, టీడీపీ ఎమ్మెల్యే అలిమినేని సురేంద్రబాబు ముఖ్య అనుచరుడిగా స్థానికంగా గుర్తింపు పొందాడు. ఎస్ఆర్ కన్‌స్ట్రక్షన్ సంస్థ (SR Construction Company)లో ఎమ్మెల్యే సురేంద్రబాబు భాగస్వామిగా ఉన్నారని, ఈ స్కాంలో ఆయన పాత్ర ఉందని వైసీపీ నాయకులు ఆరోపిస్తున్నారు. ఎర్రప్పతో ఎమ్మెల్యే దిగిన ఫొటోలు సోషల్ మీడియాలో వైరల్ కావడంతో ఈ ఆరోపణలు మరింత బలపడ్డాయి. అయితే, ఈ ఆరోపణలపై ఎమ్మెల్యే సురేంద్రబాబు నుంచి ఇంతవరకు అధికారిక స్పందన రాక‌పోవ‌డం గ‌మ‌నార్హం.
“టీడీపీ నేతలు అధికారంలోకి వచ్చిన తర్వాత రాష్ట్రంలో కుంభకోణాలు పెరిగాయి. ఈ ఈ-స్టాంప్ స్కాం కేసు దీనికి స్పష్టమైన ఉదాహరణ” అని వైసీపీ ఆరోపిస్తోంది. మరోవైపు, స్థానిక ప్రజలు ఈ కేసుపై తీవ్ర ఆగ్రహం వ్యక్తం చేస్తూ, పారదర్శక విచారణ జరపాలని డిమాండ్ చేస్తున్నారు. పోలీసులు ఎర్రప్పతో పాటు వారి కుటుంబ స‌భ్యుల‌ను విచారిస్తున్నారు, ఈ కేసులో మరిన్ని వివరాలు వెల్లడయ్యే అవకాశం ఉంది.
