దేశ రాజధాని న్యూఢిల్లీ (New Delhi)లో ఇవాళ ఉదయం భారీ అగ్నిప్రమాదం చోటుచేసుకుంది. కేశవ్పురం (Keshav Puram) ప్రాంతంలోని లారెన్స్ రోడ్ (Lawrence Road)లో ఉన్న HDFC బ్యాంక్ (HDFC Bank) సమీపంలోని ఓ ఫ్యాక్టరీలో మంటలు చెలరేగాయి.
ఈ అగ్నిప్రమాదంతో పెద్ద ఎత్తున మంటలు ఎగసిపడుతున్నాయి. ఆ ప్రాంతం అంతా దట్టమైన పొగతో నిండి, పక్కనే ఉన్న నివాస ప్రాంతాలకూ పొగ వ్యాపించడంతో స్థానికులు భయంతో రోడ్డెక్కారు. ఈ ఘటనపై సమాచారం అందుకున్న ఫైర్ సిబ్బంది (Fire Department) వెంటనే ఘటనాస్థలికి చేరుకొని మంటల్ని అదుపులోకి తీసుకొచ్చేందుకు శ్రమిస్తున్నారు.
ప్రస్తుతం సుమారు 14 ఫైర్ ఇంజన్లు (Fire Engines) అక్కడ పనిచేస్తున్నాయి. మంటలను పూర్తిగా నియంత్రించేందుకు అధికారులు ప్రయత్నిస్తున్నారు. అయితే ఇప్పటివరకు ఎలాంటి ప్రాణ నష్టం (loss of life) జరిగిందన్న సమాచారం లేదు. అలాగే ఎవరికైనా గాయాలు అయ్యాయా అన్న విషయమై కూడా ఇంకా అధికారిక ప్రకటన రాలేదు. ఈ అగ్నిప్రమాదానికి గల కారణాలు ఇంకా స్పష్టంగా తెలియరాలేదు. విచారణ కొనసాగుతోంది.
