రంగారెడ్డి (Rangareddy) జిల్లా శేరిలింగంపల్లి (Serilingampally) మండలం కంచ గచ్చిబౌలి (Kanch Gachibowli) లోని సర్వే నంబర్ 25లో 400 ఎకరాల భూములపై కొనసాగుతున్న వివాదం మరింత వేడెక్కుతోంది. హైదరాబాద్ కేంద్రీయ విశ్వవిద్యాలయానికి (హెచ్సీయూ) చెందిన ఈ భూములను వేలం (Auction) వేయొద్దని విద్యార్థులు తీవ్రంగా ఆందోళన వ్యక్తం చేశారు. ఈ నేపథ్యంలో బీఆర్ఎస్ (BRS) వర్కింగ్ ప్రెసిడెంట్, మాజీ మంత్రి కేటీఆర్ (KTR) స్పందించారు. ప్రభుత్వం ప్రజల సొమ్మును రక్షించాల్సింది పోయి, ఇష్టం వచ్చినట్లు వ్యవహరిస్తోందని కేటీఆర్ ఆరోపించారు. “ప్రభుత్వ భూమి అయితే దొంగల్లా ఎందుకు తీసుకెళ్తున్నారు? పది రోజుల సమయం అడిగిన మీరు, ఎందుకు బుల్డోజర్లు పంపించారు?” అంటూ రేవంత్ రెడ్డి ప్రభుత్వం (Revanth Reddy Government)పై మండిపడ్డారు.
భూములను తిరిగి రిటర్న్ చేస్తాం
బీఆర్ఎస్ మళ్లీ అధికారంలోకి వస్తే, ఈ 400 ఎకరాల భూమిని (Land) తిరిగి ప్రభుత్వ అధీనంలోకి (Under Government Control) తీసుకోవడం ఖాయమని కేటీఆర్ స్పష్టం చేశారు. “ఈ భూములను ఎవరు కొన్నా నష్టపోతారు. ఎవరికీ భరోసా ఇవ్వొద్దు. మేము అధికారంలోకి రాగానే ఈ 400 ఎకరాలు వెనక్కి తీసుకొని ఎకో పార్క్ (Eco Park) ఏర్పాటు చేస్తాం” అని తేల్చిచెప్పారు.
ఈ వివాదంలో రాష్ట్ర ప్రభుత్వ తీరును దుయ్యబట్టిన కేటీఆర్, “మేము అధికారంలో ఉన్నప్పుడు రాహుల్ గాంధీ (Rahul Gandhi) హెచ్సీయూకి వచ్చినప్పుడు ఎస్కార్ట్ (Escort) ఇచ్చాం. ఇప్పుడు ప్రభుత్వ ధోరణి ఎలా ఉందో చూడండి” అంటూ విమర్శలు గుప్పించారు. ఈ భూములపై వేలంలో పాల్గొనవద్దని ప్రజలకు సూచించిన కేటీఆర్ “ఈ 400 ఎకరాలు హైదరాబాద్ ప్రజల హక్కు. దీనిని కాపాడే బాధ్యత మాది. ఈ విషయంలో మంత్రులు ముఖ్యమంత్రిని మెప్పించడానికి మాట్లాడుతున్నారు. కానీ భవిష్యత్తులో ఈ భూములకు సంబంధించిన ఎవరైనా నష్టపోతే మమ్మల్ని అడగొద్దు” అని హెచ్చరించారు.
