స్టేట్ బ్యాంక్ ఆఫ్ ఇండియా (SBI) కస్టమర్లు ఆన్‌లైన్ బ్యాంకింగ్ సేవల్లో అంతరాయాన్ని (Disruption) ఎదుర్కొంటున్నారు. వెబ్‌సైట్ పనితీరు పరిశీలించే ప్లాట్‌ఫామ్ డౌన్‌డెటెక్టర్ (DownDetector) ప్రకారం, ఈరోజు ఉదయం 8:15 గంటల నుంచి ఈ సమస్య మొదలైంది. మధ్యాహ్నం 11:45 గంటలకు ఈ సమస్య మరింత తీవ్రమై, 800కు పైగా ఫిర్యాదులు నమోదయ్యాయి.
సేవల్లో అంతరాయం – ఎస్‌బీఐ వివరణ
ఎస్‌బీఐ తన ఎక్స్ (Twitter) ఖాతా ద్వారా అధికారికంగా స్పందించింది. బ్యాంక్ వార్షిక ముగింపు కార్యకలాపాల కారణంగా ఏప్రిల్ 1 మధ్యాహ్నం 1:00 గంటల నుంచి సాయంత్రం 4:00 గంటల వరకు ఇంటర్నెట్ బ్యాంకింగ్ (Internet Banking), యోనో లైట్ (Yono Lite), యూపీఐ (UPI) వంటి డిజిటల్ సేవలు నిలిచిపోతాయని వెల్లడించింది. అంతేకాక, ఈ అసౌకర్యానికి క్షమించమని కస్టమర్లను కోరింది.
డౌన్‌డెటెక్టర్ గణాంకాలు
మొత్తం వచ్చిన ఫిర్యాదుల్లో 64% మొబైల్ బ్యాంకింగ్‌కు సంబంధించినవి. 33% లావాదేవీలకు సంబంధించినవి. ఎస్‌బీఐ ప్రకారం, కస్టమర్లు తాత్కాలికంగా యూపీఐ లైట్, ఏటీఎమ్ సేవలు ఉపయోగించి లావాదేవీలు నిర్వహించుకోవచ్చని సూచించింది.
— State Bank of India (@TheOfficialSBI) April 1, 2025
