గ్రేటర్ విశాఖ మున్సిప‌ల్ కార్పొరేషన్‌ (GVMC) మేయర్ (Mayor) పై అవిశ్వాస తీర్మానం (No-Confidence Motion) చుట్టూ రాజకీయ వేడి పెరుగుతోంది. మేయర్‌పై అవిశ్వాసం ఓటింగ్‌కు రంగం సిద్ధం అవుతుందనుకున్న కార్పొరేటర్లు, సమావేశ అజెండా చూసి ఒక్కసారిగా అవాక్కయ్యారు. తీర్మానంపై ఓటింగ్ కోసం సమావేశం ఏర్పాటు చేశారనుకుంటే, కేవలం “తీర్మానం (Resolution)” చర్చ కోసమే అంటూ వచ్చిన సమాచారం పెద్ద చర్చకు దారితీసింది. ఈ నేపథ్యంలో, మేయర్‌పై అవిశ్వాస తీర్మానం నోటీసులు (Notices) ఇవ్వడంలో వైసీపీ (YSRCP) కార్పొరేటర్లు (Corporators) అభ్యంతరం వ్యక్తం చేశారు.
అజెండా, లేఖలలో అనుమానాస్పద అంశాలు
GVMC కమిషనర్ పేరుతో కార్పొరేటర్లకు అందిన లేఖలు అనుమానాలు రేకెత్తిస్తున్నాయ‌ని వైసీపీ కార్పొరేటర్లు ఆరోపిస్తున్నారు. ముఖ్యంగా 58 మంది కార్పొరేటర్లు అవిశ్వాస నోటీసులపై సంతకాలు పెట్టారని అధికారులు పేర్కొనగా, ఆ సంతకాల జత చేసిన నకలు తమకు అందలేదని కార్పొరేటర్లు అంటున్నారు. ఈ పరిణామాలతో విశాఖలో మేయర్ పదవి భవిష్యత్తు అసమాధానకర పరిస్థితిలోకి వెళ్లింది. రాజకీయ వేడి మరింత పెరిగే అవకాశాలు కనిపిస్తున్నాయి.
