ప్రభాస్ (Prabhas) అభిమానులు ఎంతో ఆసక్తిగా ఎదురుచూస్తున్న ‘ఫౌజీ’(Fauji) సినిమాపై తాజాగా ఆసక్తికర చర్చ మొదలైంది. హను రాఘవపూడి (Hanu Raghavapudi) దర్శకత్వంలో తెరకెక్కుతున్న ఈ పాన్ ఇండియా ప్రాజెక్ట్ షూటింగ్ చివరి దశకు చేరుకున్నప్పటికీ, చిత్రబృందం నుంచి ఎలాంటి అధికారిక అప్డేట్స్ లేకపోవడం ఫ్యాన్స్ను ఆందోళనకు గురిచేస్తోంది. మొదట ఈ సినిమాను దసరా (Dasara) కానుకగా విడుదల చేయాలని భావించినట్లు ప్రచారం జరిగినా, ప్రస్తుతం పరిస్థితులు చూస్తుంటే ఆ అవకాశం కనిపించడం లేదని సినీ వర్గాలు చెబుతున్నాయి. సోషల్ మీడియాలో #UpdateFauji అంటూ ట్రెండ్ చేస్తున్నా మేకర్స్ మాత్రం మౌనం వీడకపోవడం చర్చనీయాంశమైంది.
ఇక మరోవైపు సందీప్ రెడ్డి వంగా (Sandeep Reddy Vanga) దర్శకత్వంలో రూపొందుతున్న ‘స్పిరిట్’(Spirit) సినిమాను 2027 మార్చి 5న విడుదల చేయనున్నట్లు ఇప్పటికే ప్రకటించారు. ప్రభాస్ కూడా ఆ చిత్ర షూటింగ్ను వేగంగా పూర్తి చేసే పనిలో ఉన్నట్లు సమాచారం. దీంతో ‘ఫౌజీ’ ముందుగా వస్తుందా? లేక ‘స్పిరిట్’ ముందుగా ప్రేక్షకుల ముందుకు వస్తుందా? అన్నదే ఇప్పుడు హాట్ టాపిక్గా మారింది. ఒకవేళ ‘ఫౌజీ’ దసరా రేస్ను మిస్ అయితే ఈ ఏడాది విడుదల కావడం కష్టమేనని విశ్లేషకులు అభిప్రాయపడుతున్నారు. అదే డిసెంబర్లో ‘ఫౌజీ’ వస్తే ‘స్పిరిట్’ షెడ్యూల్పై (Schedule) ప్రభావం పడే అవకాశం ఉందని అంటున్నారు. దీంతో ప్రస్తుతం ప్రభాస్ అభిమానుల దృష్టి మొత్తం ఈ రెండు భారీ ప్రాజెక్టుల రిలీజ్ ప్లాన్పైనే నిలిచింది.
