మలయాళ స్టార్ హీరోయిన్ నజ్రియా నజీమ్ (Nazriya Nazim) సోషల్ మీడియాలో చేసిన ఒక ‘రెడ్ ఫ్లాగ్’(Red Flag) పోస్ట్ ప్రస్తుతం వైరల్గా మారింది. ప్రేమ, వివాహ బంధాల్లో సమస్యలను సూచించే ఈ పదాన్ని ప్రస్తావిస్తూ నజ్రియా పెట్టిన స్టోరీ చూసిన అభిమానులు ఒక్కసారిగా ఆందోళనకు గురయ్యారు. భర్త, ప్రముఖ నటుడు ఫహద్ ఫాజిల్తో (Fahadh Faasil) ఆమెకు ఏమైనా విభేదాలు వచ్చాయా? వ్యక్తిగత జీవితంలో ఇబ్బందులు ఎదుర్కొంటోందా? అంటూ సోషల్ మీడియాలో పెద్ద ఎత్తున చర్చ మొదలైంది. గతంలో కూడా నజ్రియా తన వ్యక్తిగత భావోద్వేగ సమస్యల గురించి ప్రస్తావించడంతో ఈ ఊహాగానాలకు మరింత బలం చేకూరింది.
అయితే నజ్రియా పోస్ట్ వెనుక అసలు కారణం వ్యక్తిగత జీవితం కాదని, అది ఆమె కొత్త సినిమా ప్రమోషన్లో భాగమేనని అభిమానులు చెబుతున్నారు. టోవినో థామస్తో కలిసి నటిస్తున్న ‘ఎల్ క్లాసికో’(El Clasico) సినిమాలో బుల్ ఫైట్, ఫుట్బాల్ అంశాలు కీలకంగా ఉండటంతో ‘రెడ్ ఫ్లాగ్’ (Red Flag) ప్రస్తావన కూడా అదే కాన్సెప్ట్కు సంబంధించినదిగా భావిస్తున్నారు. స్పెయిన్ నేపథ్యంలో తెరకెక్కుతున్న ఈ చిత్రానికి సంబంధించి ఆసక్తి పెంచేందుకే నజ్రియా ఈ పోస్ట్ పెట్టిందని సినీ వర్గాలు అభిప్రాయపడుతున్నాయి. దీంతో ఫహద్ ఫాజిల్తో విభేదాలపై వస్తున్న వార్తలకు ఇప్పటివరకు ఎలాంటి అధికారిక ఆధారాలు లేవని స్పష్టమవుతోంది.
బాబు పాలనలో గంజాయి పంటకే గిట్టుబాటు ధర