హైబ్రిడ్ సీఎం.. రేవంత్‌పై కేటీఆర్ సెటైర్లు

తెలంగాణ రాజకీయాల్లో (Telangana Politics) మరోసారి మాటల యుద్ధం వేడెక్కింది. సీఎం రేవంత్ రెడ్డిపై (Revanth Reddy బీఆర్ఎస్(BRS) వర్కింగ్ ప్రెసిడెంట్ కేటీఆర్(KTR) తాజా వ్యాఖ్యలు చర్చనీయాంశంగా మారాయి. మీడియాతో మాట్లాడిన ఆయన, సీఎం(CM) రేవంత్ రెడ్డిపై (Revanth Reddy) తీవ్ర విమర్శలు చేస్తూ హైబ్రిడ్ ముఖ్యమంత్రి (Hybrid Chief Minister) అంటూ సెటైర్లు వేశారు.

మహిళా బిల్లు, డీలిమిటేషన్‌పై కేటీఆర్ స్పందన

పార్లమెంట్‌లో (Parliament) దక్షిణాది ప్రాతినిధ్యాన్ని (South India Representation) తగ్గిస్తే సహించబోమని కేటీఆర్ స్పష్టం చేశారు. మహిళా రిజర్వేషన్లకు (Women Reservations) తమ పార్టీ సంపూర్ణ మద్దతు ఉందని చెప్పిన ఆయన, మహిళా బిల్లును డీలిమిటేషన్‌తో (Delimitation) అనుసంధానం చేయడాన్ని వ్యతిరేకిస్తున్నట్లు తెలిపారు.

రేవంత్ రెడ్డి రాజకీయ వైఖరిలో స్థిరత్వం లేదని ఆరోపించిన కేటీఆర్, ఉదయం ఒక పార్టీ తరఫున, సాయంత్రం మరో పార్టీ తరఫున వ్యవహరిస్తారని విమర్శించారు. ఈ విధమైన హైబ్రిడ్ ధోరణి ఆయన పాలనలో కూడా కనిపిస్తోందని పేర్కొన్నారు.

హైబ్రిడ్ మోడల్‌పై వ్యంగ్యం

నియోజకవర్గాల పెంపు విషయంలో జనాభా ఆధారంగా మాత్రమే నిర్ణయిస్తే దక్షిణాది రాష్ట్రాలకు అన్యాయం జరుగుతుందని సీఎం రేవంత్ రెడ్డి అభిప్రాయం వ్యక్తం చేశారు. దీనికి పరిష్కారంగా ఆయన హైబ్రిడ్ మోడల్‌ను ప్రతిపాదించారు. ఇందులో సగం సీట్లు జనాభా ప్రాతిపదికన, మిగతా సగం ఆర్థిక అభివృద్ధి ఆధారంగా కేటాయించాలని సూచించారు.

ఈ ప్రతిపాదనపై స్పందించిన కేటీఆర్, హైబ్రిడ్ మోడల్ పేరుతో సీఎం వైఖరిని ఎద్దేవా చేశారు. కేంద్రం ప్రవేశపెడుతున్న బిల్లులో స్పష్టత లేదని కూడా ఆయన విమర్శించారు.