విష్ణు మంచు డ్రీమ్ ప్రాజెక్ట్ ‘కన్నప్ప’ జూన్ 27, 2025న ప్రపంచవ్యాప్తంగా థియేటర్లలో విడుదలైంది. ముఖేష్ కుమార్ సింగ్ దర్శకత్వంలో, మోహన్ బాబు నిర్మాణంలో రూపొందిన ఈ భారీ బడ్జెట్ చిత్రం, శివభక్తుడైన కన్నప్ప పురాణ కథ ఆధారంగా తెరకెక్కింది. ఈ చిత్రంలో విష్ణు మంచు ప్రధాన పాత్రలో నటించగా, ప్రభాస్, అక్షయ్ కుమార్, మోహన్ లాల్, కాజల్ అగర్వాల్ వంటి స్టార్ నటులు కీలక క్యామియో పాత్రల్లో కనిపించారు.
ఎక్స్ (ట్విట్టర్)లో విడుదలైన మొదటి రోజు రివ్యూలు చిత్రానికి మిశ్రమ స్పందనలను సూచిస్తున్నాయి, అయితే సెకండ్ హాఫ్. క్లైమాక్స్ శివభక్తులను ఎంతగానో ఆకట్టుకున్నాయని తెలుస్తోంది. ట్రేడ్ అనలిస్ట్ సుమిత్ కడెల్, చిత్రం చివరి 30 నిమిషాలను ‘కాంతారా’ క్లైమాక్స్‌తో పోల్చారు, ఇది భావోద్వేగంతో కూడిన గూస్‌బంప్స్ అనుభవమన్నారు.
ఎక్స్‌లోని ప్రేక్షకుల రివ్యూల ప్రకారం.. చిత్రం మొదటి హాఫ్ కొంత నీరసంగా సాగినప్పటికీ, సెకండ్ హాఫ్, ముఖ్యంగా చివరి 40 నిమిషాలు అద్భుతంగా ఉన్నాయని పేర్కొన్నారు. విష్ణు మంచు తన కెరీర్‌లోనే అత్యుత్తమ నటనను చిత్రం క్లైమాక్స్‌లో కనబరిచాడని, ప్రభాస్ రుద్ర పాత్రలో 17-25 నిమిషాల పాటు కనిపించి, తన ఎంట్రీ, స్క్రీన్ ప్రెజెన్స్‌తో ప్రేక్షకులను అలరించాడని అభిమానులు కొనియాడారు.
మోహన్ లాల్, మోహన్ బాబు పాత్రలు కూడా ప్రేక్షకులను ఆకట్టుకున్నాయి, అయితే కొందరు విఎఫ్‌ఎక్స్ మరియు లవ్ యాంగిల్‌పై అసంతృప్తి వ్యక్తం చేశారు. స్టీఫెన్ దేవస్సీ సంగీతం, బ్యాక్‌గ్రౌండ్ స్కోర్ చిత్రానికి ప్రధాన ఆకర్షణగా నిలిచాయని, ముఖ్యంగా శివభక్తి భావనను ఉద్వేగభరితంగా చూపించిన సన్నివేశాల్లో బిజిఎం అద్భుతంగా ఉందని ప్రేక్షకులు పేర్కొన్నారు.
ఈ చిత్రం తెలుగుతో పాటు హిందీ, తమిళం, కన్నడ, మలయాళం, ఇంగ్లీష్ భాషల్లో విడుదలై, పాన్-ఇండియా ఆడియన్స్‌ను ఆకర్షించే ప్రయత్నం చేసింది. కొందరు రివ్యూయర్లు డైలాగ్‌లు సాధారణంగా ఉన్నాయని, కొన్ని సన్నివేశాలు సాంకేతికంగా మెరుగ్గా ఉండి ఉంటే బాగుండేదని అభిప్రాయపడ్డారు. అయితే, చిత్రం ఆధ్యాత్మిక సారాంశం, కన్నప్ప భక్తి కథను సనాతన ధర్మం గొప్పతనాన్ని చాటిచెప్పే విధంగా చిత్రీకరించినట్లు ప్రశంసలు అందుకుంది. ఓవర్సీస్ ప్రీమియర్స్, భారతదేశంలోని మొదటి షోల నుంచి వచ్చిన రియాక్ష‌న్స్‌ ప్రకారం చిత్రం బాక్సాఫీస్ విజయవంతం అయ్యే అవకాశం ఉందని అభిప్రాయ‌లు వ్యక్తం అవుతున్నాయి. ముఖ్యంగా శివభక్తులు, భావోద్వేగ కథలను ఇష్టపడే ప్రేక్షకులకు ఈ చిత్రం ఒక ఆధ్యాత్మిక దృశ్య విందుగా నిలుస్తుందని రివ్యూలు తెలిపాయి.
Yento anukunnam gani
— nenu papini (@nenupapinii) June 27, 2025
Nilabettukunnav anna ni perfomance tho @iVishnuManchu 🥹🛐
Manchi movie ni e generation ki andinchav 🫶💯💎
Don't spread nagative
Ni acting mi nanna gari acting 💯❤️💎#KannappaMovie #Kannappa #Prabhas #ManchuVishnu pic.twitter.com/JscoFyemhx
#ManchuVishnu Anna Hit Kotesamm Final gaa 😭😭😭🔥
— 𝐑𝐚𝐡𝐮𝐥 𝐑𝐚𝐢𝐬𝐚𝐚𝐫 🏌🏻 (@devarata_raisar) June 26, 2025
Every Where Positive Talk 💥💥
9 Years Taravata Okaa manchii Hit Kotavv Adhii Kuda #Prabhas Anna Cameo Tho 💥🔥#KannappaMovie#Kannappapic.twitter.com/9hsLToVTKk
