తాజాగా విడుదలైన ఐసీసీ వన్డే (ICC ODI) బ్యాటర్ల ర్యాంకింగ్స్ నుంచి భారత (Indian) దిగ్గజ క్రికెటర్లు రోహిత్ శర్మ (Rohit Sharma), విరాట్ కోహ్లి (Virat Kohli)ల పేర్లు ఆకస్మికంగా తొలగించబడ్డాయి. గత వారం వరుసగా రెండో, నాలుగో స్థానాల్లో ఉన్న ఈ ఇద్దరు ఆటగాళ్లు, ఒక్కసారిగా ర్యాంకింగ్స్ (Rankings) జాబితా నుంచి అదృశ్యమయ్యారు.
ఐసీసీ నిబంధనల ప్రకారం, 9-12 నెలల్లో మ్యాచ్ ఆడకపోతేనే ర్యాంకింగ్స్ నుంచి తొలగిస్తారు. కానీ, రోహిత్, కోహ్లి ఇద్దరూ ఐదు నెలల క్రితమే ఆడారు. దీంతో ఈ తొలగింపుపై అభిమానులు ఆశ్చర్యంతో పాటు పలు అనుమానాలు వ్యక్తం చేస్తున్నారు.
ఈ నిర్ణయం వెనుక బీసీసీఐ(BCCI) ప్రణాళిక ఉందని, 2027 ప్రపంచకప్‌ కోసం యువ ఆటగాళ్లకు అవకాశం ఇవ్వాలనే ఉద్దేశంతోనే ఇలా చేసి ఉండవచ్చని ఊహాగానాలు వినిపిస్తున్నాయి. అయితే, ఈ విషయంపై ఎలాంటి అధికారిక ప్రకటన లేదు.
ప్రస్తుతం వన్డే ర్యాంకింగ్స్‌లో భారత ఆటగాడు శుభ్‌మన్ గిల్ (Shubman Gill) అగ్రస్థానంలో కొనసాగుతుండగా, శ్రేయస్ అయ్యర్ (Shreyas Iyer) ఆరో స్థానంలో ఉన్నాడు.
