హైదరాబాద్‌ (Hyderabad)లోని వనస్థలిపురంలో (Vanastalipuram) పట్టపగలు ఓ దారుణం (Horrific Incident) చోటుచేసుకుంది. గుర్తు తెలియని దుండగులు హైకోర్టు సీనియర్ అడ్వకేట్ (High Court Senior Advocate) పాలడుగు నారాయణను (Paladugu Narayana) కిడ్నాప్ (Kidnap) చేయడం స్థానికంగా కలకలం రేపింది. సరస్వతినగర్ SNR అపార్ట్‌మెంట్ నుంచి కారులో వచ్చిన దుండగులు నారాయణను బలవంతంగా తీసుకెళ్లారు.
కిడ్నాప్ చేసిన అనంతరం దుండగులు నారాయణ భార్యకు ఫోన్ చేసి కోటి రూపాయలు డిమాండ్ (Demanded ₹1 crore) చేశారు. దీంతో వెంటనే ఆమె పోలీసులకు ఫిర్యాదు చేశారు. రంగంలోకి దిగిన పోలీసులు ప్రత్యేక బృందాలతో కిడ్నాపర్ల కోసం గాలింపు చర్యలు చేపట్టారు. కుత్బుల్లాపూర్‌ (Qutbullapur)లో ఉన్న ఓ భూవివాదం ఈ కిడ్నాప్‌నకు కారణమని పోలీసులు అనుమానిస్తున్నారు. దీంతో నగరమంతా గాలించారు.
గంటల వ్యవధిలోనే చేధించిన పోలీసులు
వనస్థలిపురంలో జరిగిన ఈ అడ్వకేట్ కిడ్నాప్ కేసును పోలీసులు కేవలం గంటల వ్యవధిలోనే చేధించారు. ఈ ఘటనలో మొత్తం ముగ్గురు వ్యక్తులను అరెస్ట్ చేశారు. డబ్బుల విషయంలో వివాదమే ఈ కిడ్నాప్‌నకు దారితీసిందని పోలీసులు నిర్ధారించారు. నారాయణకు ఇవ్వాల్సిన డబ్బులు ఇవ్వకపోవడంతోనే దుండగులు ఈ ఘాతుకానికి పాల్పడినట్లు తెలిసింది.
అడ్వకేట్ భార్య పోలీసులకు సమాచారం ఇవ్వడంతో, వారు ఫోన్ నంబర్లు, లొకేషన్ ఆధారంగా దర్యాప్తు చేసి నారాయణను సురక్షితంగా రక్షించగలిగారు. డబ్బుల విషయంలోనే కిడ్నాప్ జరిగినట్లు దర్యాప్తులో స్పష్టమైంది. అరెస్టయిన ముగ్గురు నిందితులను వనస్థలిపురం పోలీసులు రిమాండ్‌కు తరలించారు.
