హైదరాబాద్లో (Hyderabad) భారీ బంగారం మోసం (Gold Fraud) వెలుగులోకి వచ్చింది. ప్రముఖ జువెలరీ షాపులతో సన్నిహిత సంబంధాలు ఉన్నాయని నమ్మబలికిన ఓ వ్యక్తి, పలువురు వ్యాపారులను కోట్ల రూపాయల మేర మోసం చేసిన ఘటన కలకలం రేపుతోంది. నితిన్ (Nithin) అనే వ్యక్తి ప్రముఖ నగల వ్యాపారులతో పరిచయాలు ఉన్నట్లు చెప్పి వారి విశ్వాసాన్ని సంపాదించుకున్నట్లు తెలుస్తోంది. ఈ క్రమంలో వివిధ జువెలరీ (Jewellery) షాపుల నుంచి 13 కిలోలకుపైగా బంగారాన్ని తీసుకున్న అతడు, తిరిగి చెల్లించకుండా పరారైనట్లు బాధితులు ఆరోపిస్తున్నారు. ఈ మోసం విలువ సుమారు రూ.21 కోట్లకు పైగా ఉంటుందని అంచనా వేస్తున్నారు.
ఈ ఘటనపై మోసపోయిన జువెలరీ షాపు యజమానులు సిటీ సెంట్రల్ క్రైమ్ స్టేషన్ (సీసీఎస్) (City Central Crime Station – CCS) పోలీసులను ఆశ్రయించారు. నితిన్పై ఫిర్యాదు నమోదు చేసిన పోలీసులు కేసు దర్యాప్తు ప్రారంభించారు. నిందితుడు బంగారాన్ని ఎక్కడ విక్రయించాడు, ఆ మొత్తాన్ని ఎలా వినియోగించాడు అనే కోణాల్లో విచారణ కొనసాగుతోంది. వ్యాపార వర్గాల్లో సంచలనం సృష్టించిన ఈ ఘటనతో నగల వ్యాపారులు అప్రమత్తంగా ఉండాలని పోలీసులు సూచిస్తున్నారు. నిందితుడి కోసం ప్రత్యేక బృందాలు గాలింపు చర్యలు చేపట్టినట్లు సమాచారం.
జనసేన ఎమ్మెల్యే నోటి దురుసు.. వైసీపీ ఎమ్మెల్సీ సవాల్