రెండు రోజుల క్రితం తన నాన్నమ్మ అల్లు కనకరత్నం (Allu Kanakaratnam) (94) మరణించినా, ఆ విషాదాన్ని పక్కన పెట్టి హీరో అల్లు అర్జున్ (Allu Arjun) తన సినిమా షూటింగ్ (Movie Shooting)లో పాల్గొనడం ఇప్పుడు చర్చనీయాంశంగా మారింది. నాన్నమ్మ అంత్యక్రియలు జరిగిన రెండో రోజే బన్నీ తన ‘AA22xA6’ సినిమా షూటింగ్ కోసం ముంబై (Mumbai)కి వెళ్లారు. సినిమాపై అల్లు అర్జున్‌కు ఉన్న అంకితభావానికి ఇది నిదర్శనమని అభిమానులు, సినీ వర్గాలు ప్రశంసిస్తున్నాయి.
అల్లు కనకరత్నం మరణం పట్ల మెగా కుటుంబంతో పాటు చిరంజీవి, పవన్ కల్యాణ్, రామ్ చరణ్, త్రివిక్రమ్ వంటి సినీ ప్రముఖులు సంతాపం తెలిపారు.
ఇక, దర్శకుడు అట్లీ (Atlee) తెరకెక్కిస్తున్న ఈ సినిమాను భారీ విజువల్ వండర్‌గా రూపొందిస్తున్నారు. ఈ సినిమా 2027 నాటికి ప్రేక్షకుల ముందుకు వచ్చే అవకాశం ఉంది. ఈ చిత్రంలో అల్లు అర్జున్ సరసన దీపికా పదుకోణ్ (Deepika Padukone) నటించనుండగా, రమ్యకృష్ణన్ కూడా ఒక కీలక పాత్రలో కనిపించవచ్చని ఊహాగానాలు వినిపిస్తున్నాయి. ఈ భారీ బడ్జెట్ చిత్రాన్ని సన్ పిక్చర్స్ నిర్మిస్తోంది. ఈ చిత్రానికి సాయి అభ్యంకర్ సంగీతం అందిస్తున్నారు.
వ్యక్తిగత విషాదంలో కూడా తన వల్ల ఇతరులకు ఇబ్బందులు కలగకూడదని షూటింగ్‌లో పాల్గొన్న అల్లు అర్జున్ నిబద్ధతకు అభిమానులు ఫిదా అవుతున్నారు. సోషల్ మీడియాలో బన్నీపై ప్రశంసల జల్లు కురుస్తోంది.
