అమెరికా అధ్యక్షుడిగా మరోసారి బాధ్యతలు చేపట్టిన డొనాల్డ్‌ ట్రంప్‌ కీలక ఆదేశాలు జారీ చేశారు. గత బైడెన్‌ ప్రభుత్వం అమలు చేసిన 78 ఆదేశాలను రద్దు చేయడంతో పాటు, కొత్త ఎగ్జిక్యూటివ్‌ ఆర్డర్లను అమలు చేస్తున్నారు. ఈ క్రమంలో ఫెడరల్ డైవర్సిటీ, ఈక్విటీ, ఇన్‌క్లూజన్‌ (DEI) సిబ్బందికి ఊహించని షాక్ తగిలింది. ట్రంప్‌ ప్రభుత్వం ఈ విభాగానికి సంబంధించిన ఉద్యోగులను సెలవులో పెట్టాలని ఉత్తర్వులు జారీ చేసింది.
ఏం జరుగుతోంది?
అమెరికా ప్రభుత్వం సిబ్బంది నిర్వహణ కార్యాలయం విడుదల చేసిన మెమో ప్రకారం, జనవరి 22 సాయంత్రం 5 గంటల లోపు అన్ని డైవర్సిటీ, ఇన్‌క్లూజన్‌ సిబ్బందిని వేతనంతో కూడిన సెలవులోకి పంపించాలని ఆదేశాలు జారీ అయ్యాయి. ఈ నిర్ణయంతో పాటు DEI వెబ్‌సైట్లను తొలగించడం, అన్ని శిక్షణా కార్యక్రమాలను రద్దు చేయడం, ఇప్పటికే కుదిరిన ఒప్పందాలను రద్దు చేయడం వంటి అంశాలు ఉన్నాయి.
ఫెడరల్ ఉద్యోగాలపై ప్రభావం?
ఈ నిర్ణయంతో వేలాది ఉద్యోగాలు రద్దుకావచ్చని అంచనా. కానీ, ఇప్పటివరకు ట్రంప్‌ ప్రభుత్వం నుండి దీని పూర్తి ప్రభావంపై క్లారిటీ రాలేదు. ఈ చర్యలతో ఫెడరల్ ఉద్యోగాల పరిమాణాన్ని గణనీయంగా తగ్గించాలని భావిస్తున్నట్లు సమాచారం.
సీఎస్‌పీ అఫెక్ట్ – ఉద్యోగులకు భద్రత ఉందా?
ఈ చర్యల పట్ల ఉద్యోగుల్లో భయం నెలకొంది. అయితే, కొత్త అధ్యక్షుడి కార్యాలయం నుంచి అధికారిక ప్రకటన వెలువడాల్సి ఉంది. ఇదే కొనసాగితే అనేక మంది ఉద్యోగాలు కోల్పోయే ప్రమాదం ఉందని విశ్లేషకులు భావిస్తున్నారు.
