ఆస్కార్ జాబితాలో భారతీయ సినిమాలు

ఇటీవల విడుదలైన ఆస్కార్ 2025 నామినేషన్ జాబితాలో భారతీయ సినిమాలు ప్రత్యేక గుర్తింపు పొందాయి. కోలీవుడ్ స్టార్ సూర్య నటించిన ‘కంగువా’ చిత్రం ఆస్కార్ పోటీలో చోటు దక్కించుకోవడం త‌మిళ ఇండ‌స్ట్రీకి గ‌ర్వ‌కార‌ణంగా మారింది. అంతేకాక, మాలీవుడ్ ప్రముఖ నటుడు పృథ్వీరాజ్ సుకుమారన్ నటించిన ‘ది గోట్ లైఫ్’ కూడా ఈ ప్రతిష్ఠాత్మక జాబితాలోకి ఎంపికై, భారతీయ చిత్ర పరిశ్రమ ప్రతిభను ప్రపంచానికి చాటిచెప్పింది. ఇవే కాకండా ఇండియా నుంచి ఆస్కార్‌ బరిలో నిలిచిన సినిమాల్లో హిందీ నుంచి సంతోష్‌, ఆల్ వుయ్ ఇమాజిన్ యాజ్ లైట్ (మలయాళం), స్వాతంత్ర వీర సావర్కర్‌ లు కూడా బరిలో నిలిచాయి. ఇక అకాడమీ షార్ట్‌లిస్ట్ ప్రక్రియ జనవరి 8 నుంచి 12 వరకు జరుగుతుంది.