జనసేన అధినేత పవన్ కళ్యాణ్(Pawan Kalyan) ప్రాతినిధ్యం వ‌హిస్తున్న పిఠాపురంలో(Pithapuram) అంతర్గత విభేదాలు (Internal Differences) మరోసారి బహిర్గతమయ్యాయి. కుర్చీలు (Chairs) గాల్లోకి లేచాయి. యూ.కొత్తపల్లి మండలంలో జనసేన నిర్వహించిన మీడియా సమావేశం నేతల మధ్య తీవ్ర వాగ్వాదానికి వేదికగా మారింది. సీనియర్ నాయకులు(Senior Leaders), స్థానిక కార్యకర్తలు (Local Cadre) పరస్పరం మాటల దాడికి దిగడంతో సమావేశం కాస్తా రచ్చగా మారింది.
పార్టీ వ్యవహారాలు, స్థానిక రాజకీయ పరిస్థితులపై చర్చ జరుగుతున్న సమయంలో నాయకుల మధ్య విభేదాలు ఒక్కసారిగా బయటపడ్డాయి. ఒకరిపై ఒకరు ఘాటు వ్యాఖ్యలు చేసుకుంటూ పరస్పరం దూషణలకు దిగడంతో పరిస్థితి ఉద్రిక్తంగా మారింది.
పిఠాపురం జనసేనలో(Jana Sena) నెలకొన్న పరిస్థితులకు కాకినాడ ఎంపీ ఉదయ్ శ్రీనివాస్ (Uday Srinivas) వ్యవహారశైలే కారణమంటూ పలువురు స్థానిక నాయకులు తీవ్ర అసంతృప్తి వ్యక్తం చేశారు. ఆయన వైఖరి కారణంగా నియోజకవర్గంలో పార్టీ బలహీనపడుతోందని వారు ఆవేదన వ్యక్తం చేశారు.
పార్టీ కోసం ఏళ్లుగా పనిచేస్తున్న సీనియర్ నాయకులకు తగిన ప్రాధాన్యత దక్కడం లేదన్న అసంతృప్తి కూడా సమావేశంలో వ్యక్తమైంది. పార్టీ కార్యక్రమాలు, సమావేశాల విషయంలో తమకు సమాచారం ఇవ్వడం లేదని కొందరు నేతలు మండిపడ్డారు.
జనసేన అధినేత, ఉప ముఖ్యమంత్రి పవన్ కళ్యాణ్(Pawan Kalyan) పిఠాపురం నియోజకవర్గానికి వచ్చిన సందర్భాల్లోనూ పార్టీ కార్యక్రమాలపై తమకు సమాచారం అందడం లేదని సీనియర్ నాయకులు ప్రశ్నించారు. పార్టీ కోసం కష్టపడ్డ తమను పక్కన పెట్టి నిర్ణయాలు తీసుకోవడం ఏమిటని నిలదీశారు.
పిఠాపురంలో జనసేనకు బలమైన కేడర్ ఉన్నప్పటికీ, నాయకుల మధ్య సమన్వయం లోపించడం పార్టీపై ప్రభావం చూపుతోందన్న చర్చకు తాజా పరిణామాలు దారితీశాయి. మీడియా సమావేశంలోనే అంతర్గత విభేదాలు బహిర్గతం కావడం పార్టీ శ్రేణుల్లో చర్చనీయాంశంగా మారింది.
