‘చుట్టమల్లె’(Chuttamalle) పాటను AI సాంకేతికతతో అసభ్యకరంగా చిత్రీకరించిన వీడియోలపై జూనియర్ ఎన్టీఆర్ (Jr NTR) తీవ్ర ఆగ్రహం వ్యక్తం చేశారు. ఒక మహిళను (Woman) అత్యంత నీచమైన రీతిలో చూపించేందుకు కృత్రిమ మేధస్సును దుర్వినియోగం చేయడం సిగ్గుమాలిన చర్యగా అభివర్ణించారు. ఇలాంటి కంటెంట్‌ను రూపొందించినవారిపై, వాటిని ప్రచారం చేస్తున్నవారిపై చట్టపరమైన చర్యలు తీసుకుంటానని హెచ్చరించారు.
స్త్రీలను (Women) తల్లులుగా(Mothers), దేవతలుగా(Goddesses) పూజించే సంస్కృతి (Culture) మనదని ఎన్టీఆర్ పేర్కొన్నారు. ‘మాతృదేవో భవ’ (Matrudevo Bhava) అనేది భారతీయ సంస్కృతిలో భాగమని గుర్తుచేస్తూ.. అలాంటి మహిళలను అవమానించేలా AIని ఉపయోగించడం ఏమాత్రం ఆమోదయోగ్యం కాదని ఆగ్రహం వ్యక్తం చేశారు. ఈ తరహా కంటెంట్‌ను రూపొందించడం మాటల్లో చెప్పలేనంత సిగ్గుచేటని పేర్కొన్నారు.
AIతో అశ్లీల వీడియోలను రూపొందించినవారిపై మాత్రమే కాకుండా, వాటిని సోషల్ మీడియాలో విస్తృతంగా ప్రచారం చేస్తున్నవారిపైనా సాధ్యమైన అన్ని చట్టపరమైన చర్యలు తీసుకుంటానని ఎన్టీఆర్ స్పష్టం చేశారు. ఈ వ్యవహారంలో బాధ్యులైన ఏ ఒక్కరినీ వదిలిపెట్టబోనని స్ట్రాంగ్ వార్నింగ్ ఇచ్చారు.
ఇలాంటి వీడియోలను ఎవరూ చూడవద్దని, వాటిని మరింతగా వైరల్ చేయవద్దని ఎన్టీఆర్ అభిమానులకు విజ్ఞప్తి చేశారు. సోషల్ మీడియా వేదికలను ఉపయోగించుకునే ప్రతి ఒక్కరూ బాధ్యతగా వ్యవహరించాలని సూచించారు. ఒకసారి ఇలాంటి కంటెంట్ వైరల్ అయితే బాధితులపై మరింత ప్రభావం పడే అవకాశం ఉన్నందున దానికి దూరంగా ఉండాలని కోరారు.
మహిళలను కించపరిచేలా, అశ్లీలంగా చిత్రీకరించే AI కంటెంట్‌పై (AI Content) కఠిన చర్యలు తీసుకునేలా చట్టపరమైన వ్యవస్థను మరింత బలోపేతం చేయాల్సిన అవసరం ఉందని ఆయన పేర్కొన్నారు.
