క్రికెట్‌లో(Cricket) మరో భారీ సంచలనం నమోదైంది. ఐసీసీ ర్యాంకింగ్స్‌లో(ICC Rankings) 14వ స్థానంలో(14th Position) ఉన్న నమీబియా(Namibia).. పటిష్టమైన సౌతాఫ్రికాకు (South Africa) షాకిచ్చింది. టీ20 ట్రై సిరీస్‌ 2026లో(T20 Tri-Series) భాగంగా ఆగస్టు 28న విండ్‌హోక్‌లో(Windhoek) జరిగిన మ్యాచ్‌లో నమీబియా 18 పరుగుల తేడాతో విజయం సాధించింది. తొలుత బ్యాటింగ్ చేసిన నమీబియా 20 ఓవర్లలో 9 వికెట్లకు 163 పరుగులు చేసింది. ఓపెనర్లు లారెన్ స్టీన్‌క్యాంప్ (41), జాన్ ఫ్రైలింక్ (60) అర్ధశతక భాగస్వామ్యంతో జట్టుకు మంచి ఆరంభం అందించారు. అనంతరం 164 పరుగుల లక్ష్యంతో బరిలోకి దిగిన సౌతాఫ్రికా 20 ఓవర్లలో 9 వికెట్లకు 145 పరుగులకే పరిమితమైంది. డెవాల్డ్ బ్రేవిస్ 75 పరుగులతో పోరాడినా జట్టును గెలిపించలేకపోయాడు. నమీబియా బౌలర్లలో రూబెన్ ట్రంపెల్‌మన్, జేజే స్మిత్ చెరో మూడు వికెట్లు పడగొట్టారు.
ఈ విజయంతో సౌతాఫ్రికాపై టీ20 ఇంటర్నేషనల్స్‌లో(T20 Internationals) నమీబియా తన 100 శాతం విజయాల రికార్డును కొనసాగించింది. ఇరు జట్లు ఇప్పటివరకు రెండుసార్లు తలపడగా.. రెండు మ్యాచ్‌ల్లోనూ నమీబియానే గెలిచింది. 2025లో జరిగిన ట్రై సిరీస్‌లో సౌతాఫ్రికాను (South Africa) 4 పరుగుల తేడాతో ఓడించిన నమీబియా.. తాజాగా మరోసారి విజయం సాధించింది. దీంతో టీ20 ఇంటర్నేషనల్స్‌లో సౌతాఫ్రికాను రెండుసార్లు ఓడించిన తొలి అసోసియేట్ జట్టుగా(First Associate Team) నమీబియా అరుదైన రికార్డు సృష్టించింది.
