రాష్ట్రంలో శాంతిభద్రతల పరిస్థితి (Law and Order Situation) ఆందోళనకరంగా మారిందని బీఆర్ఎస్(BRS) సీనియర్ నేత, మాజీ మంత్రి హరీశ్రావు(Harish Rao)ఆరోపించారు. ప్రజల ప్రాణాలకు, ఆస్తులకు రక్షణ లేకుండా పోయిందని విమర్శించారు. 22ఏ నిషేధిత భూముల జాబితాలో(22A Prohibited Lands List) సామాన్యుల భూములను అక్రమంగా చేర్చడం వెనుక కమీషన్ల వ్యవహారం (Commission Dealings) ఉందని ఆయన ఆరోపించారు. ఈ వ్యవహారంలో ముఖ్యమంత్రి రేవంత్రెడ్డిని(Revanth Reddy) A1గా, మంత్రి పొంగులేటి శ్రీనివాస్రెడ్డిని (Ponguleti Srinivas Reddy) A2గా పేర్కొంటూ హరీశ్రావు తీవ్ర వ్యాఖ్యలు చేశారు. 22ఏ భూముల వ్యవహారంపై సిట్టింగ్ జడ్జితో(Sitting Judge) సమగ్ర విచారణ జరిపించాలని డిమాండ్ చేశారు.
భూముల సమస్యలతో బాధపడుతున్న ప్రజలకు న్యాయం జరిగేలా ప్రభుత్వం తక్షణ చర్యలు తీసుకోవాలని హరీశ్రావు కోరారు. 22ఏ భూముల వ్యవహారంలో ఆరోపణలు ఎదుర్కొంటున్న మంత్రి పొంగులేటి శ్రీనివాస్రెడ్డిని వెంటనే మంత్రి పదవి నుంచి తొలగించాలని డిమాండ్ చేశారు. బాధితుల పక్షాన బీఆర్ఎస్ నిలుస్తుందని, ఈ అంశంపై అసెంబ్లీలో(Assembly) ప్రభుత్వాన్ని నిలదీస్తామని హరీశ్రావు స్పష్టం చేశారు. 22ఏ భూముల జాబితా విషయంలో జరిగిన అక్రమాలపై సమగ్ర దర్యాప్తు నిర్వహించి బాధితులకు న్యాయం చేయాలని ఆయన ప్రభుత్వాన్ని కోరారు.
