శ్రీలంకతో(Sri Lanka) కొలంబో(Colombo) వేదికగా జరుగుతున్న రెండో టెస్టులో టీమిండియా(Team India) వికెట్ కీపర్ బ్యాటర్ రిషభ్ పంత్(Rishabh Pant) అరుదైన రికార్డులను (Records) తన ఖాతాలో వేసుకున్నాడు. రెండో రోజు 89 బంతుల్లో 63 పరుగులు చేసిన పంత్.. తన ఇన్నింగ్స్‌లో ఆరు ఫోర్లు, రెండు సిక్సర్లు బాదాడు. ఈ రెండు సిక్సర్లతో టెస్టు క్రికెట్‌లో అతడి సిక్సర్ల సంఖ్య 102కు చేరింది. దీంతో ఆస్ట్రేలియా దిగ్గజం ఆడమ్ గిల్‌క్రిస్ట్ (Adam Gilchrist) (100)ను అధిగమించి.. టెస్టుల్లో అత్యధిక సిక్సర్లు బాదిన ఆటగాళ్ల జాబితాలో మూడో స్థానానికి చేరుకున్నాడు. ఈ జాబితాలో బెన్ స్టోక్స్(Ben Stokes) 138 సిక్సర్లతో అగ్రస్థానంలో ఉండగా.. బ్రెండన్ మెకల్లమ్ (Brendon McCullum) 107 సిక్సర్లతో రెండో స్థానంలో ఉన్నాడు.
మరోవైపు వరల్డ్ టెస్ట్ ఛాంపియన్‌షిప్ (WTC) చరిత్రలో అత్యధిక పరుగులు (Most Runs) చేసిన భారత బ్యాటర్‌గా(Indian Batter) కూడా పంత్ రికార్డు సృష్టించాడు. ఇప్పటివరకు ఈ రికార్డు శుభ్‌మన్ గిల్ (Shubman Gill) పేరిట ఉండగా.. 2,948 పరుగులతో పంత్ అతడిని అధిగమించాడు. గిల్ 2,917 పరుగులు చేశాడు. అలాగే విదేశీ లేదా తటస్థ వేదికల్లో భారత వికెట్ కీపర్‌గా అత్యధిక టెస్టు పరుగులు చేసిన ఆటగాడిగా కూడా పంత్ నిలిచాడు. ఈ క్రమంలో ఎంఎస్ ధోనీ (MS Dhoni) 2,496 పరుగుల రికార్డును అధిగమించి 2,534 పరుగులకు చేరుకున్నాడు. ఇలా ఒకే రోజు మూడు అరుదైన ఘనతలను అందుకున్న పంత్.. టెస్టు క్రికెట్‌లో తన దూకుడైన బ్యాటింగ్‌తో మరోసారి రికార్డు పుస్తకాల్లో చోటు సంపాదించుకున్నాడు.
